BIBLIOTECA ILLA DE ONS

Novos espazos de lectura

2012-02-13T10:10:00.003+01:00

Iste curso 2011/12 crearemos dous novos espazos da biblioteca dentro do centro.
O primeiro deles xa está en uso no primeiro piso ,tendo boa aceptación entre a comunidade docente.Nos próximos días colocaremos o 2º espazo na planta baixa.
Esperamos que todos disfrutemos das novas melloras da biblioteca.

CONCURSO RELATOS CIENCIA FICCIÓN

2011-12-12T11:22:00.005+01:00

Os premiados foron

1º Premio: María Tenorio Solla
2º Premio: Alexandra Iglesias
3º Premio:Lucía Martínez

A realidade dos soños.

Principio a escribir isto nun venres escuro un dos días mais tristes da miña vida, a falta de cousa mellor que facer. Hoxe é o dia dezanove do mes de Nadal de 2077. Todo comezou así: A mañá non fun á clase xa que tiña unha forte dor e barriga. Quedeime na cama mentres miña nai non voltaba do traballo. Durmín ata ás doce, pasáronseme moitas cousas nesas horas de sono. Todo estaba escuro. Era estraño, xa que xa eran as catro da tarde. Saía pola porta cara á casa da miña tía e ao abrir a porta atopei un periódico, dicía que nunhas horas o mundo desaparecería, tan só sobrevivirían catro persoas; seríamos pisados por persoas con forma de árbores de Nadal que medirían máis do triplo ca nós. E así foi.
Eu aínda estaba lendo ese xornal, cando levantei a vista, e fronte a min estaba aquela árbore de Nada, con un millón de bólas vermellas e douradas. Quixen entrar para a casa, pero a porta fechárase soa, cousa que nunca antes pasara; non tiña escapatoria, era xa demasiado tarde para fuxir correndo. Tiña a eses seres xigantescos a medio metro de min, o cal non eran nin centímetros,xa que os seus pes eran moi longos. Pensei que me pisaría como aquela portada do xornal dicía, pero non foi así era coma e non me vise, sería un deses catro superviventes?
Neste intre soou o timbre, o carteiro cortárame o sono no momento máis interesante. Logo chegou miña nai, levoume ao médico, xa que a miña febre xa era moi elevada e non era normal. Fomos no aerocoche da miña nai para chegar máis pronto. Alí atendéronnos de súpeto. Non podía ser,os médicos transformáranse nas árbore de Nadal do meu sono, só que en tamaño reducido. Miña nai colleume da man e intentou fuxir correndo da consulta canto antes, pero a porta estaba pechada!Eu era transparente para eles, atravesáronme igual ca no meu sono, pero miña nai non era unha de sas catro persoas superviventes; collérona, puxérona na padiola, despregaron as súas ás, e saíron voando de alí con ela.. Dende entón levo días buscándoa, pero non hai rastro dela.
Eses seres xigantes destruíron o mundo en menos de carto días. Durante eses catro días que estaba en liberdade non parei de buscala ata debaixo das pedras; e digo liberdade porque ao quinto día metéronos a todos nunha gaiola xigante, só éramos catro, como o xornal indicou, eran todos auténticos descoñecidos para min; un era da China, de África, e outro parecía alemán. Non falábamos, xa que non nos poderíamos entender.
Eu choraba nun recuncho, non atoparía a miña nai xamais, non lle puidera nin dar unha aperta de despedida, nin un último adeus.
Hoxe, engaiolado sigo pensando en qué farían con ela e se algunha vez volvereina a ver.

María Tenorio Solla. 2ºB.

TEMOS CULTURGAL.2,3,4 DECEMBRO EN PONTEVEDRA

2011-12-01T23:00:00.005+01:00

Culturgal é o fogar da cultura galega. Unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas e ventás abertas sempre cara á sociedade.

PREME NA LIGAZÓN INFERIOR PARA VER AS ACTIVIDADES:

PROGRAMA CULTURGAL

Concurso relatos de ciencia ficción

2011-11-09T12:36:00.004+01:00

NOVIDADE !

PARTICIPA! PARTICIPA ! CONCURSA!
A biblioteca convoca un concurso de relatos de Ciencia Ficción, a partir de tres inicios a escoller polos participantes.

.Data límite de entrega,o 28 de novembro.

.Extensión máxima un folio.

.Premios de camisetas e libros para os gañadores.

PARTICIPA!!!

Revista Umbrela Nº 16.Xuño 2011

2011-06-16T11:13:00.003+02:00

Artigo do Número 16 da revista Umbrela.Xuño 2011.

O señor Drácula.

Eva Otero Pastoriza 2ºB

O señor Drácula leva vivindo en Beluso dende antes de que eu nacera.

Cando eu e os meus compañeiros voltamos á casa para comer, el sempre nos agarda sentado no banco que se encontra ao lado da copistaría. Pregúntanos que tal nos foi e moitas veces dános caramelos ou chicles. El sempre se está queixando dos dentes, di que lle doen e por iso non pode comer cousas duras. O pobre sempre anda co caxato. Vive só na súa casa, a que está á esquerda da copistería. Polas tardes case sempre está na Biblioteca lendo un libro ou o xornal. Ás veces, despois de comer tamén se ve tomando o café no Couto, o bar que está diante da floristaría, con outros señores máis.

O señor Drácula é moi bo e moi falador. Se sentas con el no banco cóntache historias sobre as súas viaxes de antes de chegar a Beluso e sobre o que lle gustou este lugar cando o viu por primeira vez.

https://sites.google.com/site/revistaumbrelanumero16/

Novidades na biblioteca

2011-05-05T09:14:00.018+02:00

O xoves 4 de maio, tivo lugar na sede de FECIMO,( Federación comerciantes do Morrazo) a presentación do segundo libro de Dragal, da autora Elena Gallego Abad.
O acto contou coa presenza da autora Elena Gallego Abad, e da editora Helena Pérez de Edicións Xerais.Entre o público tamén estaba o autor das ilustracións Miguel Abad.
Temos o libro na biblioteca , para que poidades gozar da súa lectura.

Neste video podemos visualizar o proceso de creación da portada.

Contacontos para os máis cativos.

2011-04-10T22:52:00.002+02:00

Tres contos: "O coelliño branco", "A casa da mosca chosca", e "Os tres bandidos"·
Foron os que lle contaron sete alumn@s do IES ILLA de ONS aos Nen@os de infantil de 5 anos do CEIP "A PEDRA".
Seica todos quedaron encantados. Volveremos ao final do 3º trimestre coa maxia dos contos para os máis cativos.

Alumn@s de 2º da ESO esquiando en Valgrande-Pajares(Asturias)

2011-04-03T22:32:00.001+02:00

CONTANDO HISTORIAS AOS MÁIS CATIVOS

2011-03-27T00:32:00.004+01:00

O venres 25 oito alumnas do "Illa de Ons", foron a contarlles contos aos nen@s de infantil do CEIP A Pedra.
O primeiro conto foi"Como está o galiñeiro" , e foi Iria de 4º B a narradora da historia.
A continuación foron Alba Lobeira,Katia Santomé e Alexandra Iglesias as que contaron a historia da "Ratiña presumida".
Outro dos contos foi "A Toupiña", con Tania García e Mª.Tenorio coma protagonistas.E para rematar Mª.Mercedes Pretel e Angela Villanueva contaron a historia de "Xaime e as landras"

DECLARACIÓN DE AMOR

2011-03-11T10:46:00.008+01:00

O AMOR chegou ao Illa de Ons en forma de carta, onde as rapazas e os rapaces expresaron a intimidade dos seus sentimentos, e de declaracións que lle dedicaron aos amores, reais ou imaxinarios.
O AMOR foi o eixo que moveu o concurso de expresión escrita máis participativo do ano. Moreas de textos orixinais e creativos, merecedores de premios, dos que só 3 persoas de cada categoría foron as gañadoras dos regalos: Aida Queimaño e Aida Carballo de 3º B e Sara Menduíña de 2º B na categoría de cartas de amor. Verónica Chapela de 1ºA, Ángela Villanueva de 1ºB e Laura Rial de 1ºA na categoría de declaracións de amor. PARABÉEENS.

EN 3º DA ESO ESTAMOS LENDO...

2011-02-08T23:37:00.010+01:00

Para Wendy esta é unha noite importante, cumpre 23 anos e unha pitonisa vaticinara que sería o seu último aniversario. A noite preséntase densa: ten problemas con Roger, o seu mozo, un roubo con asasinato por descubrir e un prognóstico que romper, pero sobre todo, para Wendy, esta vai ser a noite na que comece a voar (sen ás).

FALAMOS DE RINOCERONTE.

2011-02-01T22:38:00.005+01:00

Falamos de RINOCERONTE, unha editorial con sede en Cangas do Morrazo,especializada na tradución de libros doutras linguas, coma o Finés, o xaponés,etc.

CULTURGAL

2010-11-28T23:47:00.013+01:00

O culturgal pechou este domingo as súas portas en Pontevedra, a idea é a da continuidade nos anos vindeiros. “Despois do éxito desta edición, ninguén pode dubidar que haberá Culturgal 2011”, asegurou Xulio Amigo, presidente da Asociación Culturgal. Os representantes de Asociación Galega de Editores (AGE), a Asociación Galega de Empresas de Artes Escénicas (Escena Galega), a Asociación Galega de Empresas Musicais (AGEM), a Asociación Galega de Produtoras Fonográficas (Agaphono), a asociación de Empresas Galegas Adicadas a Internet e ás Novas Tecnoloxías (Eganet) e a Asociación Galega de Produtoras Independentes (Agapi) e o propio Xulio Amigo salientaron a importancia do éxito desta edición, a primeira organizada directamente pola industria, para o asentamento definitivo da feira.

http://www.culturgal.com/

CONTACONTOS . CHARO PITA E TIM BOWLEY

2010-11-23T10:31:00.004+01:00

O luns 22 tivemos no centro unha sesión de contacontos moi interesante.

Tropa de trapo

2010-11-18T12:14:00.004+01:00

O luns 15 de novembro viñeron ao colexio uns contacontos chamados Tropa de Trapo . Ao principio pensaba que non me ian gustar pero a verdade e que estivo moi ven. Contaronos gran variedade de contos. Despois Brais un dos contacontos ensinounos os instrumentos que trouxera:
Trouxo unha guitarra portuguesa , que tiña unha forma moi peculiar, unha especie de timbal de metal e plástico, pero atiguamente eran de ferro e pel de cabra.
Ao final fixemos un obradoiro no que estivemos xogando a unha gran variedade de xogos, paseino
moi ben.

Alba Lobeira Soage 1º A.

Contacontos TROPA de TRAPO

2010-11-16T10:22:00.003+01:00

Este luns tivemos contacontos,unha actividade moi divertida.Contáronnos tres contos,dous de eles con música en directo.A min os contos que máis me gustaron foron o de Leila e o de Ramón.O de Leila,pola súa valentía e o valor que tivo ao ir buscar a Salim á guerra.O de Ramón,porque rímos muito con el,polas cousas que se imaxinaba das historias que lle contaba o seu pai,a súa cámara de fotos,a cantidade de fotos que lle sacaba a Sabela,etc.
Gustaríame que se volvese repetir¡
María Tenorio Solla 1ºB

CONTANDO HISTORIAS AOS MÁIS CATIVOS

2010-11-09T01:26:00.000+01:00

TRABALLANDO A ORALIDADE...

2010-11-08T23:59:00.008+01:00

O venres día 5, dúas alumnas do noso instituto, IRIA PIEDRAS e PATRICIA COMEDEIRO foron ao centro de infantil do CEIP "A PEDRA" a contarlles aos neno@s de 5 anos 3 contos.
O 1º libro que contaron foi : QUE TAL, VEXETAL?

DESGUSTADO?
SEN NENGUN MEDO?

ESTÁS LEDO?
ESTÁS TRISTE?

CANTOS SORRISOS LOGO?
A VER SE O ADIVIÑAS:
QUEN SE SENTE SEGURO?

O SEGUINTE CONTO FOI Rato Tom e Rata Tomasa

Un día rata Tomasa mandoulle a Tom unha invitación.

Invitote a biscoito hoxe as oito.

E o último conto que lle contaron foi a
Colección de Galletas.
Galletas da avoa, linguas de gato,
galletas de can, bicos de Lulú...

TIM BOWLEY E CHARO PITA NO ILLA DE ONS!!!

2010-10-29T12:57:00.006+02:00

O 22 de novembro virán ao noso centro os contadores de historias, Tim Bowley, grande narrador británico con máis de 20 anos de experiencia que ten percorrido Europa e América enfeitizando ao público coas súas historias, e Charo Pita, narradora galega que leva contando desde hai 16 anos por toda a península.
Tráennos contos de tradición oral de varias culturas do mundo: as lendas do rei Artur,historias celtas, relatos dos indios americanos... creando unha nube de maxia e comedia.
@s alumn@s de 2º, 3º e 4º da ESO farán unha viaxe en compaña destes dous narradores de historias.
Actividade feita conxuntamente entre o Equipo de Dinamización Lingüística e a Biblioteca e os departamentos de Galego e Música .

A TROPA DE TRAPO PRESENTA...

2010-10-29T12:26:00.005+02:00

"A HORA AZUL"

O día 15 de novembro,pasaremolo moi ben coa tropa de trapo e a súa representación da hora azul.
Virán a facer disfrutar aos alumn@s de 1º da ESO.
Actividade feita conxuntamente entre o Equipo de Dinamización Lingüística e a Biblioteca e os departamentos de Galego e Música .

Moonkid e Liberty

2010-06-11T11:49:00.002+02:00

Moonkid e Liberty

Creo que é unha historia divertida con partes moi graciosas e cuns personaxes moi curiosos.

Iria Piedras Gómez 3ºB

O mecanoescrito da segunda orixe

2010-06-11T11:42:00.002+02:00

O mecanoescrito da segunda orixe

Sen dúbida ningunha é un dos mellores libros que lin.

A historia é interesante, os personaxes fanse querer ao longo da histora e ao final deixa a imaxinación voar.

Iria Piedras Gómez 3ºB

Chamabase Luís

2010-06-11T11:30:00.005+02:00

Chamabase Luís

Gustoume porque conta unha historia da que todos sabemos pero dunha maneira diferente, dende outro punto de vista.
Grazas a este libro puiden comprender o inferno no que viven as persoas que conviven con drogadictos.

Iria Piedras Gómez 3ºB

O centro do laberinto

2010-06-02T11:35:00.003+02:00

Título: O centro do laberinto
Autor: Agustín Fernandez Paz
Editorial: Xerais- Fora de Xogo

Este libro gustoume porque fala dun futuro que se pode cumprir por culpa da globalización. Faise un pouco pesado cando fala a nai, pero é bastante interesante.

Celestino Durán Pouseu 4º nº5

2010-06-01T11:36:00.002+02:00

Titulo:Pasa-lo limite

Autor:Xavier Alfaya

Este libro gustoume porque fala de cousas que poden sucederlle a calquera.E ainda por riba é curto

Víctor Agulla Lemos 3ºA

2010-06-01T11:28:00.003+02:00

Tiyulo:Acio sanguento

Autor:Carlos Freire Cordeiro

Este libro é un pouco regular.O bo é que é curto.O malo é que o argumento non atrae demasiado

Víctor Agulla Lemos 3ºa

Conta Saldada

2010-05-25T11:26:00.002+02:00

Titulo:Conta Saldada
Autor:Suso de toro
Editorial:Alfaguara

Gústoume xa que conta unha historia nun espazo próximo e real.Tamén é un libro interesante e intrigante.

Pablo Díaz Meijide 4º Nº3

Aire Negro

2010-05-21T11:46:00.002+02:00

Titulo: Aire Negro
Autor: Agustín Fernandez Paz
Editorial: Xerais

É un dos mellores libros que lin. Atrápate dende o primeiro momento e deixate cun final dubidoso para quen sepa entendelo.

Irene Cabanelas Meira 3ºA Nº2

Os comedores de patacas

2010-05-20T11:45:00.002+02:00

Título: Os comedores de patacas
Autor: Manuel Rivas
Editorial: Xerais

Este libro é moi interesante e recoméndoo porque aínda que o título dea a entender outra cousa, este libro trata sobre un rapaz adicto as drogas, que o levan a casa da avoa para que se desenganche.

Celestino Durán Pouseu 4º Nº5

Balea morta ou lancha a pique!

2010-05-20T11:40:00.002+02:00

Título: Balea morta ou lancha a pique!
Autor: Jaureguizar
Editorial: Xerais- Fora de Xogo

Esta novela é a continuación de A rutina corsaria e segue no mesmo estilo. Gustoume moito pero pasa o mesmo que na outra novela

Celestino Durán Pouseu 4º Nº5

A rutina corsaria

2010-05-20T11:35:00.002+02:00

Título: A rutina corsaria
Autor: Jaureguizar
Editorial: Xerais- Fora de Xogo

Esta novela conta a historia dun home obsesionado cos piratas. É moi interesante, pero se intentas buscarlle a lóxica ás aventuras que ten, non darás acabado o libro.

Celestino Durán Pouseu 4º Nº5

Eu e os meus colegas

2010-05-20T11:25:00.003+02:00

Título: Eu e os meus colegas
Autor:Aidan Macfarlane e Ann McPherson
Editorial: Xerais- Fora de Xogo

É un libro que trata temas bastante importantes como o alcohol, o sexo, a sida, as drogas, etc. Está bastante ben pero é extraño que conte a mesma historia con cinco personaxes diferentes.

Celestino Durán Pouseu 4º Nº5

O que é a vida

2010-05-12T11:37:00.002+02:00

Título: O que é a vida
Autor: M. Lourenzo González
Editorial: Xerais- Fora de Xogo

Este libro encantoume porque conta dúas historias moi interesantes que ocorren paralelamente, e que se cruzan no final.

Celestino Durán Pouseu 4º Nº5

A conta saldada

2010-05-12T11:31:00.003+02:00

Título: A conta saldada
Autor: Suso de Toro
Editorial: Alfaguara

É un bo libro, aínda que custa un pouco seguir a trama ao comezo. É fácil de ler e lese moi rápido.

Celestio Durán Pouseu 4º Nº5

FESTIVAL DE TÍTERES DE REDONDELA

2010-05-12T00:16:00.002+02:00

COUSA BONITA, PARA VISITAR, GOZAR, VIVIR, SENTIR COMPARTIR E RIR COA FAMILIA OU AMIG@S.
PARA MÁIS INFORMACIÓN http://www.festivaltiteresredondela.com/ruas.htm

Do 19 ao 23 de maio de 2010

RELACIÓN COMPAÑÍAS PARTICIPANTES

* CONTADORES DE ÉSTORIAS (Brasil)
* GIROVAGO E RONDELLA (Italia)
* EL RETRETE DE DORIAN GRAY (Galicia-Cataluña)
* TAAAT (Cataluña)
* PELELE MARIONNETTES (Francia)
* LA BALDUFA (Cataluña)
* RODORÍN (Madrid)
* VALERIA GUGLIETTI (Arxentina)
* COMPAGNIE JATOBA (Brasil)
* TOMBS CREATIUS (Cataluña)
* MARIONETAS EN LIBERTAD (Francia)
* PLANSJET POPPENTHEATER (Bélxica)
* THE TURRE’S BAND (Galicia)
* BONECA LARETA (Galicia)
* OS CROQUETAS (Galicia)
* C’E ORQUESTRA PANTASMA (Galicia)

17 de Maio.Recitando Poemas

2010-05-11T09:37:00.001+02:00

Feito polo equipo de Normalización Lingüística do CEIP Quintela de Moaña.

Tres pasos polo misterio

2010-04-29T11:50:00.002+02:00

Título: Tres pasos polo misterio
Autor: Agustín Fernández Paz
Editorial: Xerais

Este libro conta tres historias de medo, que en realidade non dan medo. Faise custoso de ler poque hai momentos nas que as historias fanse bastantes pesadas. Tamén se fai difícil recordar todos os detalles das tres historias.

Celestino Durán Pouseu 4º Nº5

A recortada

2010-04-29T11:45:00.002+02:00

Título: A recortada
Autor:An Alfaya
Editorial: Xerais

É un libro bastante raro porque ao protagonista non lle deixan de pasar cousas malas, unha detrás da outra. Cando consegue superar un obtáculo, aparecelle outro aínda peor.

Celestino Durán Pouseu 4º Nº5

Cartas de inverno

2010-04-29T11:41:00.002+02:00

Título:Cartas de inverno
Autor:Agustín Fernandez Paz
Editorial:Xerais- Fora de Xogo

É un libro de misterio, bastante bo, que promete unha lectura interesante. Gustoume porque a trama do libro facía que quedase con ganas de ler.

Celestino Durán Pouseu 4º Nº5

Noitebra

2010-04-29T11:37:00.003+02:00

Título: Noitebra
Autor: Xavier Lopez Rodríguez
Editorial: Xerais- Fora de Xogo

É un libro bastante curto e fácil de ler. Recoméndollo se queredes ler un libro rápido e fácil de entender.

Celestino Durán Pouseu 4º Nº5

Contacontos no CEIP A PEDRA

2010-04-24T23:26:00.010+02:00

O venres 23 de abril 5 alumn@s do IES "Illa de Ons" estiveron cos nenos e nenas de infantil contandolles 3 contos aos máis cativos.

O primeiro libro que lle contaron foi Tío lobo.

O segundo libro foi a Bruxa Regañadentes
e o terceiro libro foi Gústame o Chocolate

As cousas claras

2010-04-14T11:43:00.002+02:00

Título: As cousas claras
Autor: Xosé A. Neira Cruz
Editorial: Xerais- Fora de Xogo

Este libro esta moi ben e lese bastante rápido. Parece difícil de ler ao principio.

Celestino Durán Pouseu 4º Nº5

O vioín de Auschwitz

2010-04-14T11:37:00.002+02:00

Título: O violín de Auschwitz Autor: Mª Angels Anglada Editorial: Xerais- Fora de Xogo

Este libro encantoume porque relata a historia dos xudeus durante o réxime nazi, e porque o final é inesperado.

Celestino Durán Pouseu 4º Nº5

Acio Sanguento

2010-04-14T11:31:00.002+02:00

Título: Acio Sanguento Autor: Carlos Freire Cordeiro Editorial: Xerais- Fora de Xogo

Este libro é bo e gustoume bastante, pero ,a menos que teñades unha boa capacidade lectora, eu non o recomendo.
Celestino Durán Pouseu 4º Nº5

Noitebra

2010-03-23T11:48:00.000+01:00

Noitebra

Libro fácil de ler pero cunha historia surrealista e aburrida.
Luis Martínez 4º 23/03/2010

A NOITE QUE WENDY APRENDEU A VOAR

2010-03-23T11:46:00.000+01:00

A noite que wendy aprendeu a voar-Andreu Martín

Interesante. Todo isto porque non deixan de suceder cousas en toda a trama.
Luis Martinez 23/03/2010

¿SOBREVIVES?

2010-03-23T11:43:00.001+01:00

¿SOBREVIVES?

FOI UN LIBRO QUE ME GUSTOU POLAS HISTORIAS QUE O RAPAZ VIVE E PARECEME INTERESANTE COMO CAMBIA.

ZAIRA RODRIGUEZ CERVIÑO 4A

XOEL

2010-03-23T11:41:00.001+01:00

XOEL ISABEL -CLARA SIMÓ

GUSTAME POLA HISTORIA QUE VIVE A RAPAZ PERO E UN POUCO ABURRIDO

ZAIRA RODRIGUEZ CERVIÑO 4A

LEONEL

2010-03-23T11:39:00.000+01:00

LEONEL ANTON CORTIZAS

NON ME GUSTOU DEMASIADO PORQUE SON UN POUCO ABURRIDOS AS HISTORIAS QUE VAN DESCRUBINDO E NON SUCEDEN MOITAS COUSAS INTERESANTES PARA O MEU GUSTO

ZAIRA ROGRIGUEZ CERVIÑO 4A

¿ QUE TE ANGUSTIA NURIA ?

2010-03-23T11:35:00.002+01:00

¿ QUE TE ANGUSTIA NURIA¿ GLORIA LLÓBET

E UN LIBRO CORTO PERO QUE ME GUSTOU MOITO PORQUE PARECEM EUNHA HISTORIA MOI REALISTA E INTERESANTE SOBRE TEMAS FAMILIARES.

ZAIRA RODRIGUEZ CERVIÑO 4 A

Eu e os meus colegas.

2010-03-23T11:30:00.001+01:00

O libro de "Eu e os meus colegas" gustoume moito porque ensínache que na vida hai que estudar e non consumir drogas.

Raúl Vidal Juncal nº24 3ºA (23/03/2010)

Rebeldes

2010-03-23T11:27:00.001+01:00

O libro de "rebeldes" gustoume moito porque ensínache qu ena vida hai que axudar a xente e facer sempre o correcto.

Raúl Vidal Juncal nº24 3ºA (23/03/2010)

Flanagan Flash-Back

2010-03-22T11:35:00.002+01:00

Título: Flanagan Flash- Back
Autor: Andreu Martín- Jaume Ribera
Editorial:Xerais- Fora de Xogo

Esta novela encantoume porque o seu final é inesperado e porque dende o principio consegue engancharte a ler.

Celestino Durán Pouseu 4º Nº 5

Ollos de auga

2010-03-22T11:31:00.002+01:00

Título: Ollos de auga
Autor: Domingo Villar
Editorial:Galaxia

Este libro gustoume. Faise interesante porque o morto desta historia é de Bueu, e foi por iso polo que o lín.

Celestino Durán Pouseu 4º Nº 5

O Gran Meaulnes

2010-03-18T11:49:00.001+01:00

O Gran Meaulnes Alain-Fournier

Este é un libro que me gustou especialmente.
A quen lle gusten as historias de amor recomendo que o lea.

Soidades de ana

2010-03-18T11:46:00.003+01:00

Este libro é un dos que máis me gustou, pois conta a historia dunha rapaza que fai todo o posible para saber a verdade da morte da súa irmá.
Autor: Jordi Sierra i Fabra
Alba Friña Torres 18/03/2010

Rebeldes

2010-03-18T11:41:00.002+01:00

Este libro gustoume moito e pareceume moi bonito. impresionoume as rivalidades entre ambas as bandas e a maneira en qe morreron os amigos de Jony.

Autor: Susan E. Hilton
Raquel Costa Ogand0 18/03/2010

Eu tampouco me chamo Flanagan

2010-03-18T11:37:00.001+01:00

Título: Eu tampouco me chamo Flanagan
Autor: Andreu Martín- Jaume Ribera
Editorial: Xerais- Fora de Xogo

Este libro encantoume porque a historia dá tantas voltas que, ó final, xa non sabes como vai ser o final.
Celestino Durán Pouseu 4º Nº5

Flanagan Blues Band

2010-03-18T11:29:00.002+01:00

Título: Flanagan Blues Band
Autor: Andreu Martín- Jaume ribera
Editorial: Xerais- Fora de Xogo

Este libro encantoume porque sege coa mesma trama dos demais libros de Flanagan, polo tanto, engancheime a ler e nunha tarde xa o acabara.
Recomendo a todos que leades este libro porque se le rápido e porque sei que se comezades a ler, non poderedes parar.

Celestino Durán Pouseu 4º Nº5

Noite de voraces sombras

2010-03-17T11:37:00.003+01:00

Noite de voraces sombras, Agustín Fernández Paz

Gustoume moito. Pareceume un libro moi triste e fácil de leer. A historia que conta é moi fermosa e a forma de espresarse do autor é moi clara polo cal é un libro fácil de entender.

Iria Piedras Gómez 3ºB 17/03/10

A noite que Wendy aprendeu a voar

2010-03-17T11:29:00.004+01:00

É un libro moi interesante, divertido e máis intrígate polo cal é doado deler.Animo a xente a lelo.

Edicion: XERAIS

Pablo Díaz Meijide 4º

Alfagann é Flanagan

2010-03-15T11:46:00.001+01:00

Título: Alfagann é Flanagan
Autor: Andreu Martín- Jaume Ribera
Editorial: Xerais- Fora de Xogo

En xeral, todas as novelas de Flanagan son boísimas, pero esta en especial, é a que máis me gustou.

Celestino Durán Pouseu 4º Nº5

Flanagan de luxe

2010-03-15T11:42:00.003+01:00

título: Flanagan de luxe
autor: Andreu Martín- Jaume Ribera
Editorial: Xerais- Fora de Xogo

Este libro encantoume e recoméndollo a todos porque a novela é tan boa que te engancha nada máis comenzar a ler.

Celestino Durán Pouseu 4º Nº5

Raquel

2010-03-15T11:34:00.002+01:00

titulo:Raquel
editorial: Xerais
autor:Isabel- Clara Simó
Gustoume o diario de Raquel. gustariame que o irmán de Raquel gañara o dieñeiro do concurso. Pero a novela en teoria gustoume.

Rocio Nogueira Leal 4º Nº11

que che angustia Nuria?

2010-03-15T11:26:00.002+01:00

titulo: Que che angustia Nuria?
Autor: Gloria Llobet
Editorial: Xerais
Gustoume bastante e lino rápido, me netreteñen bastante as novelas que van da vida cotiá dos perxonaxes. gustariame qu seguira a novela.

Rocio Nogueira Leal 4º Nº11

Flanagan 007

2010-03-12T11:38:00.001+01:00

Título: Flanagan 007
Autor: Andreu Martín e Jaume Ribera
Editorial: Xerais -Fora de Xogo

Este libro é boísimo e recoméndollo a todo a mundo.
A trama é tan boa e está tan ben montada que fai que quedes sempre con ganas de seguir lendo.

Celestino Durán Pouseu 4º Nº5

A noite que Wendy aprendeu a voar

2010-03-12T11:27:00.003+01:00

Título: A noite que Wendy aprendeu a voar
Autor: Andreu martín
Editorial: Xerais -Fora de Xogo

Este libro é moi bo e recomendo que o leades porque ó longo da novela non para de contar cousas interesantes que fan que non te canses del e consege engancharte dende o principio.

Celestino Durán Pouseu 4º Nº5

Morgún

2010-03-10T11:23:00.002+01:00

Autor: Suso de Toro
Título: Morgún
Editorial: Xerais- Fóra de xogo

Este libro é moi interesante pero non o recomendo.
Faise moi difícil de de ler porque dá moitas voltas e a linguaxe é algo complexa.

Celestino Durán Pouseu. 4º Nº 5 (10/3/2010)

Amancio Amigo e o Meigo de Salamanca

2010-03-09T10:04:00.008+01:00

Autor: Xosé Miranda
Editorial: Xerais
Este libro foi para min unha ilusión, un soño. Xosé Miranda, o autor foi quen de transaladarme a un mundo de maxia e de fantasía.
Recoméndovolo, viviredes grandes aventuras con Amancio, Susana A man negra, Faustino Prósper e moitos máis...
Montando no tres da maxia, xamais saberemos onde poderemos chegar...

Aida Carballo Fazanes (09/03/10)

ORGULLOS@S DO NOSO, ORGULLOS@S DO GALEGO.

2010-02-23T09:14:00.002+01:00

Todos podemos axudar, estando orgullos@s do noso,do galego.

Contacontos para os máis cativos

2009-12-21T19:32:00.007+01:00

O venres 18 de decembro,5 alumn@s do centro foron ao CEIP A PEDRA,a contarlle contos aos de infantil de 4 anos.
Victoria Freire, contoulles a historia de "Xanardán e a becha".
Óscar Santos e Erica Ferradás contarionlle "A cebra Camila".
Álvaro Omil, contoulles a historia dos "tres bandidos".
Iria Piedras a historia do "lobo Buzú está namorado" .

Pel de lobo

2009-12-21T11:34:00.004+01:00

PEL DE LOBO

AUTOR/A : XOSÉ MIRANDA

Este libro serviume para me decatar da importancia que teñen algunhas persoas nas nosas vidas e o cariño e amor que lles debemos.
Se ao principio o libro non te engancha moito non te preocupes nin deixes de lelo, pois o interesante está ao final.
Aida Carballo Fazanes (21/12/09)

Conta saldada

2009-12-21T11:31:00.004+01:00

O libro gustoume ,sobre todo cando a protagonista se entera de que ao seu pai o asasinaron. Entón ela quere descubrir quen fora ,logo ela pensa que o rapaz que a estaba axudando a descubrir ao asasino sería o seu irmá pero ao final non é.
Belén Estévez Rodríguez (21/12/09)

Chamabase luis

2009-12-21T11:29:00.006+01:00

O libro non me gustou porque é triste e tamén porque os protagonistas estaban metidos na droga.
Belén Estévez Rodríguez ( 21/12/09)

Este libro trata dunha familia que vive o mundo dsa drogas moi cerca. Eu penso que reflicte bastante ben como viven as familias que teñen este tema tan cercano e o mal que o pasan os familiares.
Alba Paz Ferradás (21/12/09)

Ollos de auga

2009-12-18T11:46:00.006+01:00

Gustoume moito o libro xa que mantén a intriga ata o último momento e van encaixando as pezas a medida que avanza a novela.
Pedro Novas Otero (21/12/09)

LIBROS PARA ...

2009-12-14T17:03:00.007+01:00

Ler,regalar, ollar, disfrutar,posuir, usar,gozar e moito máis!.
Selección feita pola Coordinadora DE EQUIPOS DE NORMALIZACIÓN LINGÜÍSTICA DO MORRAZO .

Libros para infantil:

Primaria:

A PRAIA DOS AFOGADOS

2009-11-27T11:54:00.003+01:00

O libro gustoume moito porque retrata a vida dun policía e dún caso que tera que resolver el, maís o seu axudante.

JONATAN LOBEIRA 4º ESO ( 24/11/09)

CONTA SALDADA

2009-11-27T11:44:00.007+01:00

Conta saldada:
Este libro gustoume porque é unha historia vivida por adolescentes.
Idoya Cancelas León 3ºA ( data 27/11/09)

Gustoume o libro porque a rapaza enfrontase os problemas e a averiguar a verdade do que pasou coa morte de seu pai.

Jonatan Lobeira 4º ESO 24/11/09

ANXO FARIÑA PRESENTANDO O 3º LIBRO DOS MEGATOXOS

2009-11-25T01:29:00.002+01:00

O día 23 Anxo Fariña presentoulle aos alumnos de 1º da ESO o seu 3º libro da serie dos Megatoxos, acabado de saír do prelo." OS MEGATOXOS E OS TEMPLARIOS DA LUZ".

VIAXE FOTOGRÁFICO-LITERARIA . ANXO CABADA

2009-11-25T00:22:00.003+01:00

Exposición de Anxo Cabada de fotografías e textos poéticos que estará en horario de mañá e tarde na Sala de Exposicións Amalia Domínguez Bua do 20 de novembro ao 6 de decembro.

Levo toda a vida sachando en ti
terra,
e deste atafego
non canso.

Como non amar a túa ollada de lama húmida
como non amar as túas mans de granito canso,
esmolecido.

Muller de escuma,
di:
cara onde miran os teus ollos.

Volverei coa noitiña
para procurarmos xuntos máis terra.

FRANCISCO CASTRO

FALAMOS DE LIBROS

2009-11-23T11:39:00.004+01:00

REBELDES de Susan E.Hinton

Comenta o libro Daniel Piñeiro, alumno de 3º ESO

Este libro gustoume moito índa que o final foi un pouco duro. É moi entretido, lese bastante rápido porque te engancha moito. Con este libro ves como viven os " greasers" e comprendes a súa situacion.
Miriam Ferradás González 21/12/09

Que me queres ,amor?

2009-11-23T11:33:00.004+01:00

Que me queres amor é un libro moi divertido e moi sonxelo de ler ao seren historias diferentes. Gustoume moito.

Raquel Álvarez Martínez.(23/11/09)

Os nenos numerados

2009-11-23T11:24:00.005+01:00

Este libro gustoume moito polo argumemento que conta. Trata dun neno que entra nun reformatorio por roubar un simple par de botas. Ali dentro ten que convivir con máis nenos e aprender a levarse ben cos máis veteranos.

Raquel Costa Ogando 3ºA Data (27-11-09)

VOLVEN OS MEGATOXOS

2009-11-22T22:50:00.007+01:00

O luns 23, estará con nós un ano máis Anxo Fariña, para presentar aos alumn@s de 1º da ESO o 3º libro dos megatoxos.
Benvido!

CENTRO VIRTUAL PARA A LECTURA

2009-11-19T10:12:00.005+01:00

O Ministerio de educación presentou o centro virtual http://www.leer.es/

Foi feito en colaboración coas Comunidades Autónomas do Estado, a RAE e o Instituto Cervantes.
Non será un espazo só para moz@s, nen@s, senón tamén para as familias e os docentes, onde se atoparan todo tipo de textos( textuais, icónicos, multimedia), e as propias creacións da comunidade educativa.

Flanagan deluxe

2009-11-05T11:25:00.003+01:00

O libro gustoume moito xa que é un libro que engancha. A parte que máis me gustou foi o final porque é un final sorprendente. O que menos me gustou foi o principio xa que se facía un pouco aburrido.
Alejandro Dios Dominguez( 5/11/09)

Eu e os meus colegas

2009-10-28T11:35:00.005+01:00

Eu e os meus colegas pareceume un libro moi interesante, que reflecte como é a vida adolescente na vida real.
Ángel Estévez Pastoriza 4º ( 28 de outubro de 2009)

A chamada da selva

2009-10-22T11:37:00.004+02:00

A min esta novela encantoume.Gustoume moito porque expresa unha gran sensación de liberdade e tamén porque me parece moi emocionante unha historia deste tipo, na que o can ten que pasar por un dos ecosistemas máis extremos do mundo, Alaska, para conseguir atopar a súa verdadeira personalidade.

Jorge Bernárdez Martínez 4º( OUTUBRO 2009)

As mans de medo

2009-10-22T11:29:00.007+02:00

As man do medo é un libro bastante interesante no que se contan sete historias de medo. O malo é que algunhas das historias son difíciles de entender e outras son moi longas e por iso faise algo aburrido ó chegar á metade do libro.

Celestino Durán Pouseu 4º ESO ( OUTUBRO 2009)

O libro comeza sendo interesante, pero a medida que avanza, a multitude de historias dificultan a súa lectura.

Miriam Seijas 4º (DATA 24/11/09)

Comezamos coa hora de ler

2009-10-14T23:46:00.006+02:00

Prezados pais e nais:

Como saberedes o Plan Lector do IES Illa de Ons encontra entre as súas prioridades non só que o alumnado adquira unha axeitada competencia lingüística (isto é: que saiban ler correctamente), senón tamén unha motivación e un gusto polo feito de ler. Neste sentido tomouse o acordo de dedicar algún tempo en todas as materias a unha actividade diaria de lectura individual. Esta actividade comezará a partir do día 19 de outubro e para a súa realización empregarase todo tipo de textos, de xeito que poda haber alumnas e alumnos que opten por ler unha novela, unha revista (cun contido axeitado), un xornal, etc.

Os alumnos e alumnas poderán empregar libros, xornais e revistas da biblioteca do IES ou ben traeren as súas propias lecturas da casa, sempre baixo a supervisión indicada.

Con esta carta pretendemos comunicarvos o noso interese polo éxito desta actividade, para o cal é importante a vosa colaboración facilitando aqueles materiais de lectura que resulten interesantes.

O Claustro de profesores do IES Illa de Ons.

Bueu, outubro 2009

MOCHILAS VIAXEIRAS

2009-10-14T23:20:00.005+02:00

PREZADOS PAIS E NAIS:
"Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura".
Esta semana poñeremos en marcha a actividade das Mochilas Viaxeiras. A mochila viaxeira permitirá levar libros á casa para compartilos coa familia:un conto ,un libro de poemas , as imaxes dun álbum , esa música que nos conmove, unha película, un libro que complementa o tema que andamos a traballar no I.E.S
A súa finalidade:
A mochila viaxeira está pensada para que, desde a biblioteca escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura. A mochila é o soporte que permitirá aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola no seu labor común para a formación dos lectores .

Trátase dunhas mochilas nas que recibiredes unha selección de lecturas e música feitas polo equipo de biblioteca e da que poderedes disfrutar en préstamo durante 15 días.
Son en total 4 mochilas, unha para cada nivel.
O noso obxectivo é compartir con vós o gusto pola lectura, presentándovos algúns títulos que esperamos vos agraden.
A mochila que recibiredes conterá tamén no peto dianteiro unha ficha coa lista dos libros prestados e as datas de entrega. Haberá un pequeno caderno onde poderedes anotar algún comentario sobre esta experiencia: se vos gustaron os libros, se vos parecen suficientes, se houbo algún que vos gustou en particular e por que, se a actividade é interesante, e todo aquilo que pensedes que se pode mellorar.

Saúdos
Equipo de biblioteca

GALEGO E COMUNICACIÓN CIENTÍFICA

2009-05-30T01:28:00.004+02:00

Científicos galegos no exterior fan público un manifesto en defensa da lingua

MANIFESTO PUBLICADO EN VIEIROS

Nove destacados investigadores, vencellados ao Centro Europeo de Investigación Nuclear (CERN), dan un paso adiante para rebater prexuízos lingüísticos.

Somos un conxunto de físicos e enxeñeiros galegos vencellados ao Centro Europeo de Investigación Nuclear (CERN) en Xenebra, a día de hoxe uns dos laboratorios científicos máis importantes do mundo. Desde a distancia, levamos meses asistindo ao debate que se está a xerar sobre a posición que debe ocupar a lingua galega no noso sistema educativo. Esta cuestión está a provocar unha confrontación continua de posturas e opinións que se estende a distintos ámbitos da nosa sociedade. Se ben consideramos este debate lexítimo tamén coidamos que as posturas deben ser mantidas e defendidas desde a máis absoluta rigorosidade, a mesma pola que nós estamos rexidos nas nosas actividades científicas. E vémonos na obriga de intervir cando determinados argumentos que non seguen esta máxima aparecen por parte de persoas cunha opinión que non se restrinxe ao ámbito privado.

En declaracións ao “Faro de Vigo”, o voceiro da “Confederación das Asociacións de Pais de Alumnos de Colexios Concertados” (Congapa), José Ramón Hermida, dicía: “Utilicemos el sentido común. Químicas o Físicas, con tantas nomenclaturas internacionales, no se pueden dar en gallego. No podemos retroceder”. Ben, for desde a ignorancia, for intencionadamente, declaracións deste tipo resultan totalmente inadmisíbeis. E dicimos isto con coñecemento de causa, pois no noso ámbito de traballo estamos acostumados a ter conversas de alto nivel científico de temas moi diversos en galego. Nun entorno no que temos a sorte de traballar con algúns dos mellores físicos e enxeñeiros do mundo, o galego está, modestamente a través de nós, presente como vehículo de comunicación científica. E para isto é un idioma exactamente igual de válido que o francés, o alemán ou, desde logo, o castelán. Ben é certo que o galego non é empregado para as comunicacións nin publicacións científicas a grande escala, pero é necesario que se saiba que tampouco o é o castelán. A lingua franca da ciencia desde hai moitos anos é o inglés, e desde logo se algunha lle discutíu no pasado tal condición esa non foi o castelán.

O noso obxectivo con esta carta é simplemente evitar que se empreguen argumentos falsos (ou falseados) na discusión dun tema tan delicado e importante coma este. E tamén reivindicar o galego como lingua que nos identifica sen excluírnos estando como estamos lonxe da casa.

No CERN en Xenebra, a 26 de Maio de 2009,

Xabier Cid Vidal, Licenciado en Física e estudante de Doutoramento - USC, experimento LHCb.
Patricia Conde Muíño, Doutora en Física de Partículas, Investigadora do LIP (Laboratório de Física e Instrumentação de Física de Partículas) - Lisboa (Portugal), experimento Atlas.
Daniel Esperante Pereira, Enxeñeiro de Telecomunicacións e estudante de Doutoramento na USC, experimento LHCb.
Teresa Fonseca Martín, Doutora en Física de Partículas, investigadora asociada da Royal Holloway University - Londres (Reino Unido), experimento Atlas.
Abraham Gallas Torreira, Doutor en Física de Partículas, investigador Ramón y Cajal na USC, experimento LHCb.
Manuel Gallas Torreira, Doutor en Física de Partículas, antigo staff do CERN no departamento de Física Experimental.
Marcos Mariño Beiras, Doutor en Física de Partículas, Catedratico de Física Matemática na Universidade de Xenebra (Suíza).
Diego Martínez Santos, Licenciado en Física e estudante de Doutoramento - USC, experimento LHCb.
Cibrán Santamarina Ríos, Doutor en Física de Partículas, investigador asociado na McGill University - Montreal (Canadá), experimento Atlas.

Visita de Anxo Fariña

2009-04-23T12:37:00.003+02:00

Non hai mellor ocasión para conmemorar o día do libro, que traer a un escritor-ilustrador coma Anxo Fariña, para falarnos dos seus proxectos, ideas, e forma de traballar.
GRAZAS,ANXO.

Escalada en Donón

2009-04-06T20:15:00.007+02:00

O xoves 2 de abril, o profesor de Educación Física Toño levou os alumnos/as de 4º da ESO a facer escalada en Donón contando coa valiosa axuda de Susana.
Aproveitamos para visitar as escavacións do castro do Facho.
Tivemos a compañía dos lagartos arnais e dun grupo de arroaces que se achegaron a costa.

CONTACONTOS

2009-03-04T21:04:00.004+01:00

O venres 27 de febreiro 5 rapaces e rapazas do IES illa de Ons que forman parte do taller de oralidade, estiveron no CEIP a Pedra de Bueu,onde lle contaron os nenos/as de 1º de primaria catro contos.
" A TOUPIÑA ", contado polas rapazas de 4º da ESO, Yolanda e Seila.
" GAROTO EN BUSCA DUNHA ESTRELA" que o contaron Iria e María de 2º da ESO.
" AMORA" e " GÚSTAME O CHOCOLATE" que o contou Miguel Ángel de 2º da ESO.
Desde aquí dámoslle as grazas ,pola súa actitude e traballo desinteresado a prol da lectura, e desexamos que continúen facendo actividades tan gratificantes e interesantes en torno ós libros.

Fotos saída ao teatro de Francés

2009-02-11T21:29:00.007+01:00

Ola a tod@s aquí tedes unha mostra da nosa saída do 26 de xaneiro de 2009 ao teatro ver LA CRÈME DE LA CRÈME. Cos alumnos de primeiro, segundo e cuarto da ESO.

LIBROS DE LECTURA EN FRANCÉS

2009-02-04T13:43:00.003+01:00

Libros que estamos a ler en Lingua Francesa:
Para 1º da ESO " CONCERT EN BRTAGNE
Para 2º da ESO "AU SECOURS!"
Para 4º da ESO " LE COEUR ENTRE LES DENTS"

2009-01-26T12:43:00.005+01:00

2009, ANO INTERNACIONAL DA APRENDIZAXE DOS DEREITOS HUMANOS

(NACIÓNS UNIDAS)

Asamblea General. Resolución AG-60 Aniversario
Comunicado da Alta Comisionada das Nacións Unidas para os Dereitos Humanos, Navi Pillay, con ocasión do 60° Aniversario da Declaración Universal de Dereitos Humanos.
OACDH|09 Dic 2008

XENEBRA -- O 10 de decembro celébrase o do 60° Aniversario da Declaración Universal de Dereitos Humanos, un breve e único documento de 30 artigos que probablemente tivo un maior efecto na humanidade que calquera outro documento na historia moderna.

Inmediatamente despois do fin da Segunda Guerra Mundial, os políticos, diplomáticos, xornalistas, activistas, pensadores mundiais e, sobre todo, a poboación xeral, desexaban previr que unha guerra tal volvese suceder, o que significaba atacar, tanto as súas causas, como as súas consecuencias. Puxeron o seu empeño en asegurarse de que nunca máis houbese outro Holocausto, e que todas as persoas, especialmente as pobres, as famentas, as desprazadas e as marginalizadas, tivesen no futuro estruturas para apoialas e marcos legais internacionais para protexelas.

Moitos dos tratados legais e das institucións internacionais máis admirables do mundo, incluíndo ás Nacións Unidas, remítense a este periodo fértil de fins dos anos 40, pero a Declaración Universal ten nel un lugar verdaderamente especial.

Por primeira vez, recoñeceuse a todos os dereitos humanos, civís, culturais, económicos, políticos e sociais como pertencentes en forma inherente a todas as persoas, e non como dons conferidos magnánimamente, ou negados, dependendo do designio, a sorte ou o capricho dos réximes gobernantes.

O seu enfoque visionario, aínda que tamén completamente fundamental, está mellor ilustrado nas súas propias palabras: "Todos os seres humanos nacen libres e iguais en dignidade e dereitos” “Todo individuo ten dereito á vida, á liberdade e á seguridade da súa persoa” “Todos son iguais ante a lei". Despois presenta unha lista de dereitos específicos, que van do dereito a non ser torturado, esclavizado, ou detido arbitrariamente, pasando polo dereito á liberdade de opinión, de expresión e de relixión, e incluíndo unha serie de dereitos sociais, económicos e culturais clave, tales como o dereito á educación, o dereito á saúde e o dereito a igual salario por traballo igual.

Todas as persoas, enuncia a Declaración, teñen estes dereitos "sen distinción algunha de raza, cor, sexo, idioma, relixión, opinión política ou de calquera outra índole".

Hoxe en día, os principios establecidos na Declaración vense reflectidos nas Constitucións e leis de máis de 90 países. Mecanismos internacionais, rexionais e nacionais específicos, incluíndo á Oficina do Alto Comisionado das Nacións Unidas para os Dereitos Humanos e o Consello de Dereitos Humanos, cos seus expertos independentes, foron establecidos para monitorear, promover, protexer e continuar desenvolvendo os dereitos humanos.

En todo o mundo, un número crecente de xornalistas, organizacións non gobernamentais e outros entes da sociedade civil, exercen maior e máis efectiva vixilancia sobre a adopción dos dereitos humanos, por parte dos seus gobernos. A chegada do Internet implica que aqueles que queiran abusar dos seus cidadáns a portas pechadas, atópanse con que lles é moito máis difícil facelo, e aqueles que desexan expoñer devanditos abusos, poden facelo con maior facilidade.

Con todo, para moitas persoas, a Declaración Universal segue sendo unha promesa incumplida, xa que o desexo político dos estados de cumprir coas súas obrigacións mantense lamentablemente detrás das súas promesas.

Existe o risco específico de que, conforme se desenvolve a crise financeira actual, os individuos e as comunidades máis pobres e máis marginalizadas do mundo, poderían enfrontar unha situación aínda máis grave que a que viven actualmente. A pobreza é tanto causa como resultado de violacións aos dereitos humanos, e teremos que ser extremadamente vixiantes durante os próximos meses para asegurar que programas de desenvolvemento e redes de seguridade social mantéñanse ou melloren, para que os efectos da crise non resulten desastrosos.

Malia todos os temores e as incertezas actuais, séntome estimulada pola gran atención que a celebración de todo un ano do 60° Aniversario, xerou sobre o tema dos dereitos humanos. En todo o mundo, organizacións voluntarias, institucións, docentes, estudantes, juristas, personalidades políticas e os medios de comunicación hanse enfocado na Declaración Universal e na continuidade da súa relevancia no mundo actual. Con todo, non podemos deternos aquí. Aínda estamos, a 60 anos, moi lonxe de alcanzar os obxectivos suscitados na Declaración Universal. Ningún país do mundo pode deterse e dicir "lográmolo".

Dez millóns de persoas no mundo aínda non saben que teñen dereitos que poden esixir, e que os seus gobernos son responsables ante eles e ante un amplo conxunto de leis nacionais e internacionais. Malia todos os nosos esforzos nos últimos 60 anos, este aniversario pasará desapercibido para moitas persoas, e é esencial que manteñamos este impulso, facilitando así que máis e máis persoas levántense e esixan os seus dereitos.

Por esta razón, compráceme que o ano que entra sexa designado Ano Internacional de Aprendizaxe de Dereitos Humanos, e quixese alentar a ministerios, institucións, docentes, pais e outras persoas con responsabilidade en todo o planeta, a aproveitar esta oportunidade para asegurar que a próxima xeración teña maior oportunidade de esixir o que lle foi prometido nese documento extraordinario coñecido como a Declaración Universal de Dereitos Humanos.

AS VIAXES DE GULLIVER

2008-12-18T12:16:00.005+01:00

Este libro gustoume moito, é moi entretenido.A historia que máis me gustou foi a da viaxe de Liliput cando Gulliver está na cidade dos liliputienses, que eran uns humanos que median coma un dedo.
CINTIA PEQUEÑO OTERO 4º B (18/12/2008)

BIG-BANG

2008-12-15T12:55:00.009+01:00

autor/a: Xoán Bernárdez Vilar
Editorial: Edicións Xerais
colección: Fóra de xogo

O libro gustoume porque tivo un remate da historia extravagante e bastanta inusual.Ó final foi o que máis me gustou do libro.
Nerea Rosas Regueira 4º A (18/ 12/2008)

Gustoume porque trata dunha aventura que sucede hai millóns de anos e aínda así había naves espaciais.

Pablo Díaz Meijide 3º A ( 18/12 /2008)