Foto biblioteca

Foto biblioteca

24/01/08

30 DE XANEIRO "DÍA ESCOLAR DA NON VIOLENCIA E A PAZ"


video




30 DE XANEIRO "DÍA ESCOLAR DA NON VIOLENCIA E A PAZ"

Unímonos os ensinantes, unha vez máis, na loita do dereito primordial de todo ser humano: a convivencia pacífica. Porque sabemos que a base de toda coexistencia é o entendemento, o diálogo, o feito de saber abrir os nosos ollos e os nosos oídos para escoitar e entender, desexamos elevar as nosas voces como unha soa, un só berro unido por unha soa palabra, a palabra máis fermosa que debe reinar as nosas existencias: PAZ.
E para reclamala, para pedir aos gobernos que senten a dialogar, para pedir a todo home e muller que habite sobre a face da terra que sexa quen de trocar puños e fusís por verbas e entendemento, por conmiseración e diálogo, por amizade e respecto, é polo que estamos aquí.
Dende hoxe até o día 30, lembrarémosvos que podemos vivir en paz, que só hai que crer nela, confiar nela, traballar por ela. O noso labor primordial é e será sempre ensinar respecto, democracia e educación. O noso labor é axudar unha mellor sociedade do futuro. Xuntos loitamos pola Paz, hoxe e sempre.


video

30 DE XANEIRO "DÍA ESCOLAR DA NON VIOLENCIA E A PAZ"


UNIDADE DIDÁCTICA
¡ POR UNHA CULTURA DE PAZ!
PARA 2º CICLO DA ESO
http://www.intermonoxfam.org/cms/HTML/espanol/2217/DENIP_porunacult_gal.pdf


UNIDADE DIDÁCTICA " A AXENCIA DE VIAXES"
PARA 2º CICLO DA ESO
http://www.intermonoxfam.org/cms/HTML/espanol/2217/DENIP_2ESO_gal.pdf


"PUK E O MURO"
UNIDADE DIDÁCTICA PARA 1º CICLO DA ESO

COMO GARANTIR A PAZ E A NON VIOLENCIA.

PREME NESTA LIGAZÓN:
http://www.intermonoxfam.org/cms/HTML/espanol/2217/DENIP1ESO_galego.pdf
A FAMILIA DE LUSUF. UNIDADE DIDÁCTICA PARA RESOLUCIÓN DE CONFLICTOS EN 1º CICLO DA ESO

http://www.intermonoxfam.org/cms/HTML/espanol/2217/DENIP_1ESO_gal.pdf

11/01/08

LIBRO DAS ALQUIMIAS



Compañeiros, despois da lectura do LIBRO DAS ALQUIMIAS de Xesús Constela Doce, o que nos vai vir dar a charla dentro do programa lector, enviovos un pequeno resumo do mesmo.

Editorial Galaxia (Costa Oeste)

"Un rapaz que está a descubrir o mundo encontra de pronto a presenza dun vello que vai deixando ao seu paso, sen decatarse, unha guedella de estreas. Días despois sabe que ese ancián é o novo inquilino do baixo do seu edificio. A partir dese momento, a súa atención centrase en coñecer as misteriosas actividades ás que o vello se dedica (que son recoller e coidar dos libros). É un libro que fala do coidado dos libros, das alquimias que podemos descubrir neles. Fala de Historia, de Matemáticas, sin facerse pesado, da queima de libros desde os tempos de Alexandría."

Está recomendado para os adolescentes, personalmente resultoume moi fácil de ler. O libro ten 188 páxinas e está dividido en 29 capítulos.

publicado por FINA DOCE

TRISTES ARMAS


TRISTES ARMAS

AUTOR/A: MAYORAL, MARINA
EDITORIAL: EDICIÓNS XERAIS

Tristes armas:
Este libro gustoume porque me interesaba a época na que se ambientaba ( na guerra civil española ) e ademais ten unha historia moi bonita.

Pedro Novas Otero 3ºA (18/12/08)


Tristes Armas:
Este libro pareceume moi interesante pero á vez triste polas rapazas que están lonxe dos país por causa da Guerra Civil, elas están orfas.

Miriam Durán Freire 3º A


“Tristes Armas” conta unha fermosa historia de amor, ambientada na época da Guerra Civil, na que as protagonistas, xunto cos demais nenos españois, son exiliados a Rusia, e alí refán as súas vidas.
Elena Martínez Graña 4ºA (5/12/2008)




O HOBBIT

AUTOR/A: TOLKIEN, J.R.R
EDITORIAL: EDICIÓNS XERAIS

Este libro gustoume porque Bilbo Bulseiro (O protagonista) pasa por unhas aventuras con 13 ananos para recuperar un tesouro roubado por un dragón e esquecido hai moito tempo.

Breixo Vidal Ferradás 3ºC

EU TAMÉN SON MANIÁTICA
AUTOR/A: MA PHERSON

EDITORIAL: EDICIÓNS XERAIS



Esta novela está directamente relacionada con "Novo diario dun xove maniático", polo que eu recomendo ler as dúas novelas para entendelas enteiramente.
É un libro do mesmo tipo de "Novo diario dun xove maniático", pero este fálanos principalmente do mundo das adolescentes.

Ángel Manuel Torrres 3º A

GÁRGOLA

AUTOR/A: VILA SEXTO
EDITORIAL: GALAXIA

AS MANS DO MEDO

AS MANS DO MEDO

AUTOR/A: XOSÉ MIRANDA

EDITORIAL: EDICIÓNS XERAIS

Este libro non me gustou moito na súa maior parte, porque varios dos relatos que nel se contaban, para min, eran moi difíciles de entender, e algúns tiñan finais que non esperaba e non me sorprendían como eu pensaba antes de lelos. pero aínda así, hai algúns relatos que si entendín e que valen a pena.
AIDA FERRADÁS VILLANUEVA 3ºA


As mans do medo:
O libro está ben, pero a mellor historia é, sen dúbida, a primeira. Gustoume.

Idoya Cancelas León 3ºA
(data 27/ 11/09)