21 Días no IES Illa de Ons

     Como xa sabedes, o noso centro está a participar no proxecto 21 Días co Galego e +, un programa co que se pretende aumentar e perfeccionar o emprego oral do galego así como a reflexión persoal sobre a relación que cada persoa ten co galego e co resto das linguas que coñece.

     No blog de 21 días puidemos atopar, durante estas semanas, propostas diversas para achegarnos ao galego e á súa cultura. A maioría dos contidos foron realizados polo alumnado e o profesorado de cada un dos dez centros de ensino participantes.

   Hoxe foron publicados no blog os contidos enviados desde o noso centro. Preme na imaxe para poder acceder a eles.

CONCURSOS LITERARIOS

PREMIO DE LITERATURA INFANTIL E XUVENIL EGAP

     A Escola Galega de Administración Pública (EGAP), entre os actos que organizará para honrar as letras galegas, e especialmente este ano a Ricardo Carballo Calero, convoca, un ano máis, un premio de literatura infantil e xuvenil.

• Poderán optar aos premios os nenos e nenas galegos con idades comprendidas entre os 9 e os 14 anos. 
• Os contos deberán redactarse en lingua galega e a súa temática será libre, á elección das persoas participantes. 
• Os textos deberán ser presentados en folios A4, mecanografados por unha soa cara, a un espazo e medio, con formato de fonte Times New Roman, tamaño 12, e cunha extensión mínima dun folio e máxima de cinco.
• Poderán presentarse contos premiados con anterioridade por todo tipo de organismos públicos ou privados, excepto no caso de contos que xa fosen premiados pola propia EGAP.
• O prazo para a presentación das solicitudes será dun mes contado a partir do día seguinte ao da publicación destas bases no Diario Oficial de Galicia (21 de xaneiro de 2020).

     Podes consultar as bases completas na seguinte ligazón: PREMIOS EGAP

CONCURSO DE MICRORRELATOS AMTEGA

     A Axencia de Modernización Tecnolóxica (Amtega) pon en marcha o Concurso de microrrelatos "Viaxe ao 2030" no marco do proceso de elaboración da Estratexia Dixital de Galicia 2030.

• O obxectivo do concurso é facer partícipes aos máis novos neste proceso e coñecer como imaxinan que a transformación dixital cambiará a sociedade galega nos próximos 10 anos a través dun microrrelato.
• Poderá participar o alumnado de 1º a 4º de Educación Secundaria Obrigatoria (ESO) ou 1º e 2º de Bacharelato de centros educativos da Comunidade Autónoma de Galicia, cunha idade comprendida entre os 11 e os 18 anos (ambas as dúas incluídas).
• O período de inscrición estará aberto ata o 31 de xaneiro de 2020. O persoal docente será o responsable de inscribir aos seus alumnos e alumnas interesados/as en participar.
• O prazo para enviar o material do alumnado previamente inscrito estará aberto ata o día 7 de febreiro de 2020.

     Para máis información consultar a WEB.

XINCANA LINGÜÍSTICA 21 DÍAS CO GALEGO E +

     Despois da xornada inaugural do pasado luns, continuamos no noso centro coas actividades incluídas dentro do proxecto 21 Días Co Galego e +. 

     

     Nesta ocasión realizaremos varias xincanas lingüísticas, a primeira delas mañá venres durante a hora do recreo. Poderán participar todos os alumnos e alumnas do IES Illa de Ons que, por parellas, o soliciten na Conserxería do centro. A xincana dará comezo cando un dos profesores encargados do concurso reparta a ficha de control coas pistas para conseguir as diversas palabras e, consecuentemente, as letras da palabra que deberemos formar para lograr o premio final.

     

     As pistas terán un contido lingüístico en galego, aínda que poderán integrarse tamén problemas matemáticos, contidos de ciencias sociais e historia, ou mesmo contidos literarios e/ou musicais.

     As parellas gañadoras obterán un premio relacionado coa campaña 21 Días co Galego e +.

     Boa sorte e a participar!!!

Ampliación dos prazos de entrega dos concursos da ANPA.

Amplíanse, ata o 22 de xaneiro, os prazos de entrega das fotografías e dos deseños de logotipos dos concursos convocados pola ANPA no mes de decembro.