Despois da xornada inaugural do pasado luns, continuamos no noso centro coas actividades incluídas dentro do proxecto 21 Días Co Galego e +.
Nesta ocasión realizaremos varias xincanas lingüísticas, a primeira delas mañá venres durante a hora do recreo. Poderán participar todos os alumnos e alumnas do IES Illa de Ons que, por parellas, o soliciten na Conserxería do centro. A xincana dará comezo cando un dos profesores encargados do concurso reparta a ficha de control coas pistas para conseguir as diversas palabras e, consecuentemente, as letras da palabra que deberemos formar para lograr o premio final.
As pistas terán un contido lingüístico en galego, aínda que poderán integrarse tamén problemas matemáticos, contidos de ciencias sociais e historia, ou mesmo contidos literarios e/ou musicais.
As parellas gañadoras obterán un premio relacionado coa campaña 21 Días co Galego e +.
Boa sorte e a participar!!!
Ningún comentario:
Publicar un comentario