Para conmemorar o Día Internacional da non Violencia Contra as Mulleres, o IES Illa de Ons organizou distintas actividades:
- Difusión do proxecto #25NPatriarcadas_Revirad@s: os carteis que elaboramos no noso centro, e que recentemente foron premiados pola Deputación de Pontevedra, expuxéronse en distintas entidades e centros educativos da nosa comunidade.
- Xogo de escape na biblioteca. O alumnado de 4º ESO participou nesta actividade, centrada na temática da violencia de xénero e guiada por Anacos Educativos.
- Material audiovisual para traballar nas titorías. O alumnado dos distintos niveis educativos visualizou, durante as horas de titoría, diferentes propostas audiovisuais que lles permitiron reflexionar e debater sobre aspectos como a violencia nas relacións adolescentes, o papel dos homes na igualdade, as fases nunha situación de maltrato, os condicionantes aos que se ven sometidas as mulleres, decálogos para educar en igualdade, etc.
Ningún comentario:
Publicar un comentario