A SOMBRA CAZADORA

Esta historia gustoume moito. Os meus coñecidos que xa a leran, fixéronme o gran favor de non contarme o que pasaba en ningún momento... e sorprendeume.

Encantoume a maneira de narrar, e a personalidade dos personaxes.

Andrea Bacelar

4ºB

AMOR DE TANGO

Recoméndolle este libro a toda a xente que lle gusten as historias de amores imposibles.
Lendo este libro pódese coñecer a situación de Vigo nos tempos das grandes conserveiras cataláns, nos anos 20 e 30.


Rebeca Fandiño Gómez 4ªB

NORABOA!!!

O Club dos Poetas Vivos.

O Club dos Poetas Vivos xurdiu entre un grupo de alumnas e alumnos de 3º de ESO do IES Illa de Ons de Bueu no outono do ano 2007. Cada un dos integrantes tiña escrito poemas e un día crearon un colectivo (“Ti/o meu universo…”). A partir de aquí presentouse a posibilidade de actuaren como un colectivo poético, polo que buscaron un nome e unha imaxe que os identificase. A imaxe é unha rosa que nos remite aos antigos tópicos literarios sobre vivir o momento presente (“Colligere virgo rosas”: coller as rosas no seu esplendor), e o mesmo acontece co nome Club dos Poetas Vivos, parafraseando o título do filme que trata dun grupo de alumnos poetas nun colexio de disciplina inglesa.

Os integrantes deste colectivo de poetas son Agustín Gallego Piñeiro, Estrella Pérez Porto, Tamara García Piñeiro e Yoel Parada Santos, todos eles estudantes no curso de 3ºB.

ahí vai unha pequena mostra do seu arte:

que me mata máis a túa dor

que a miña propia morte(YOEL)

O MAL,

asasino,

mal da cabeza,

que tantas vidas…

que tantas vidas leva.(AGUSTÍN)

Ti

o centro da miña vida:

douche as grazas

por quererme así

por amarme

sen medios

e facerme feliz.(TAMARA)

Cada noite

mirando as estrelas do ceo

pídolle a deus

que se algún día

os teus beizos non bico

me saque a vida.(ESTRELLA)

preme nesta ligazón para ver o traballo que fai o "Club dos Poetas Vivos"

http://endl-illadeons.blogspot.com/

Non é un libro moi bo, ten un vocabulario moi pobre. Nalgúns capítulos non se sabe moi ben de que trata nin quen o conta. Non me gustou, porque os capítulos non gardan relacion entre si e nalgúns casos deixache con intriga.

Yolanda Entenza Rúa 3º A


Este libro emprega un vocabulario bastante vulgar. Non me gustou porque alguns capítulos saltan escenas e non se sabe ben como acaban. Tampouco se diferencia ben o xénero das persoas que falan.

Rebeca Agulla Peixoto 3ºA

Salitre

SALITRE
AUTOR/A: JAUREGUIZAR
EDITORIAL: XERAIS


Gustoume porque é unha historia xuvenil, practícase o surf e aparecen nomes de marcas de roupa, motos da realidade. Ten un final un pouco pobre.

Ángel Estévez Pastoriza [18/12/2008]

Este libro gustoume moito. É un tanto "moderno", pois creo que hai libros que carecen disto. O único que non me gustou foi o final, que creo que parece precisar dunha segunda parte.

Mauro Álvarez Martínez [18/12/2008]

Gustoume moito porque é un tema que me interesa, xa que trata algo do surf.No momento en que o lía resultábame difícil parar, porque me enganchaba, e en ningún momento me aburría.

Catalina Otero Pérez 3ºA

Pareceume un libro interesante, pero sobre todo moi cercano, pois a historia que conta poderíanos pasar a calquera de nós, vivindo como vivimos nun pobo mariñeiro.

[ Elena Martínez Graña 3ºA ]

O libro gustoume bastante. Aínda que o comezo é un pouco aburrido.Despois foise poñendo interesante. O final foi o que máis me gustou.

Nerea Rosas Regueira 3ºA

Salitre gustoume moito porque está reflexado na vida real e podes aprender un erro moi grande que é falar da xente sen coñecela porque despois ten consecuencias. É moi fácil de ler, é moi entretido e é moi gracioso.
Miriam Ferradás González. 3ºB(30-10-09)


Gustoume bastante,non moito, pero como fala de surf comparado con outros libros é un dos mellores dos que lín.

Hugo Santaclara Estévez 3ºB (23/11/09)

Este libro gustoume moito porque o personaxe é por un lado moi responsable, pero polo outro mente para agochar a unha persoa á que quere moito.

Alba Fariña Torres 3ºA Data (27-11-09)

O libro de salitre e moi fácil de ler, de maneira que llo recomendo a toda a xente que queira lelo.

Adolfo Buceta Cobas 3º ( 18/11/09)

Lin Salitre por recomendación dun compañeiro ao que lle gustara moito, foi el quen mo regalou. Dende ese día comeceino a ler e gustoume dende o comezo. É un libro fácil de ler pola súa intriga e que gusta moito xa que pasa na actualidade e ocórrelle a xente da nosa idade.
Iria Piedras Gómez 3º (4/12/09)


É un libro entretenido pero moi simple , xa que o final é moi prebilible debido a que se dan demasiadas pistas durante o relato.

Pedro Novas Otero (4º ESO. 21/12/09)


É un libro moi interesante por que conta unha historia dun adolescente e a súa moza , con moitas cousas da realidade como as marcas da roupa, etc.Eu recomendovolo :é un libro moi interesante.
Jorge Resille Garcia(21/12/09)

Salitre gustoume moito ,porque era interesante .Conta a vida dun rapaz e da sua moza , e ocorrenlle cousas que nos pode pasar a calquera de nos .O malo é o final.
Manuel Angel Perez Piñeiro(21/12/09)

Os biosbardos

AUTOR/A: EDUARDO BLANCO AMOR

Foi un libro que non me gustou moito porque ten unha linguaxe moi difícil de comprender.O relato que maís me gustou foi a " Arrasadeira", porque me pareceu interesante ver como se divertían antes os rapaces.

Sandra Smyth Novoa 3ºA

A rutina corsaria

A RUTINA CORSARIA
AUTOR/: JAUREGUIZAR
EDITORIAL: XERAIS

En xeral gustoume o libro polas súas aventuras e o compañeirismo que ao final se formou. O que me molestou foi que deixaran aos Guns And Roses como paiasos.
Raquel Iglesias Regueira. 3ºA. (28/12/2008)

O libro gustoume moito aínda que case no final decepcionoume un pouco, pero ainda así é moi divertido e engancha. A min non me gusta ler moito pero este libro gustoume e tiña ganas de lelo, non coma outros que se fan aburridos e quedo medio durmida ao lelos.



Cintia Pequeño Otero. 3º A

O SEGREDO DA PEDRA FIGUEIRA

O segredo da Pedra Figueira gustoume moito.Resulta un libro moi interesante porque trata sobre os antigos clans e os problemas de buscar un territorio sendo desterrado do que tiñan.Este libro ten moita maxia e recoméndollo a toda a xente á que lle guste as aventuras. JOSUHA ACUÑA MARTÍNEZ 3ºA.

É un libro moi entretido, sobre todo recoméndollo a xente que cre nos mitos e lendas galegas, posto que estas son moi parecidas. Esta historia transcorre case todo o tempo no mar, e trata dunha tribu que se ten que trasladar das súas terras ata Finisterra, porque estaban sendo atacados por outra tribu guerreira e moi sanguinaria.
Hugo Bacelar Martínez 3ºA

Emboscadas no gran norte

Pareceume un libro algo intrigante, pero só un pouco. Gústame como remata, porque atrapan a Lizanne. Non é dos que máis me gustan, pero estivo ben. Trata de dous indios que teñen unha misión importante, o destino do seu pobo. Mentres protexen a pipa do seu pobo son perseguidos por unha empresa de petróleo.

Hugo Bacelar 3ºA.

O vixía entre o centeo

Gustoume a historia da que trata, aínda que o protagonista é un rebelde e mal estudante.A curiosidade que ten este libro é que foi lido polo asasino de John Lennon

Mº Elisa Dios Ríos 4ºB

O señor das moscas

É un libro bastante interesante que quere darnos a coñecer que en toda persoa hai maldade por moi pouca que sexa como ocorre coa matanza dun dos protagonistas por algún dos seus compañeiros

Mº Elisa Dios Ríos 4ºB

Soidades de Ana

Considero que é un dos libros que máis me gustou. Este libro reflicte fielmente a realidade e as consecuencias de moitas tolerias que se fan inconscientemente e do apoveitamento dunha inocencia,a rebeldía e a falta de confianza nos pais que moitas veces queren un fillo/a exemplar

Mónica Rodríguez Juncal


Este libro a mín encantoume.
Trata sobre os problemas ao abortar dunha adolescente que a leva a morte debido a un círculo de erros consecutivos

Rebeca Fandiño Gómez 4ºB

recollido da páxina de Xosé Vidal

http://xosevidal.blogia.com/

Razóns para o uso do software libre nas aulas

1. Tanto o software libre como o software privativo permiten desenvolver os contidos e actividades programadas nas escolas.

2. O software libre está na súa maioría traducido a linguas minoritarias, e en particular a lingua galega. Non acontece o mesmo con outras aplicacións básicas en software privativo.

3. Se utilizamos software privativo na escola (a Administración permíteo porque hai uns anos apenas existían alternativas) estamos condicionando ao alumno/a a utilizar o software dunha empresa que posúe o monopolio neste campo (Microsoft). E tamén indirectamente obrigándolle a utilizar o software utilizado na escola na súa propia casa.

4. Os alumnos/as teñen acceso ao software libre de forma gratuita e legal, e poden compartilo.

5. A filosofía do software libre concorda cos valores promovidos pola escola para unha correcta socialización (solidariedade, colaboración,...)

6. E a última por agora... prefiro traballar por unha causa solidaria e pertencer á comunidade do software libre, que traballar gratis para Microsoft (empresa privada con intereses lucrativos, e que a min non me dá nada) axudando a "fidelizar" a persoas "inocentes".

Presento a continuación unha serie de documentos que achegan máis argumentos para o uso do software libre nas aulas, con especial relevancia das entrevistas e conferencias de Richard Stallman, o principal impulsor da filosofía do software libre.

Conceptos xerais sobre o software libre.

Noitebra

Gustoume polo pouco convecional que me parece, porque dos libros que lin este comta unha historia que sucede en apenas vintecatro horas e trata temas que a min me gustan.

Agustin Gallego Piñeiro



Foi un libro que me gustou moito,está cheo de intriga porque non se sabe a onde irá parar o personaxe principal,a parte fai unha boa descripción da paisaxe e ambiente chegando a facer que nos sintamos un máis dos persoaxes
Mónica Rodríguez Juncal

Noitebra é unha aventura espeluznante dunha rapaza que se encontra atrapada nunha noite de chuvia por mor dun accidente coa súa escúter, intentando chegar á súa casa. Encantoume e recoméndollo a todas as persoas que lles guste ler nunha tarde chuviosa onde non teñan a onde ir. JOSUHA ACUÑA MARTÍNEZ 3ºA.

Noitebra é un libro moi interesante.
O que máis me gustou e o que lle pasou dende que caeu da moto ata que a colleu.

Recoméndoo porque me parecen interesantes as aventuras da rapaza, que como a ela, poderíanos pasar a nós.

Ainoa Verde Rios 3º B

Gustoume moito.A historia interesoume dende o principio ata o final,e o libro fíxoseme curto de ler.

O tema a tratar pareceume interesante e o vocasbulario empregado fácil de comprender.Rebeca Agulla Peixoto 3ºA

Este libro gustoume moito.Desde o comezo "enganchoume" porque cada vez ponse máis interesante;á rapaza despois de ter o accidente pásanlle varias cousas.Ademais lese ben porque ao ser interesante faise curtiño.Mirian Durán Freire. 4º B

Gustoume moito porque aprendín como podes facer cando te atopas nesa situación para sobrevivir. Fíxome pasar un bo tempo esté libro.

Miguel González Domínguez (21/12/09)

autor/a : MA PHERSON
EDITORIAL: EDICIÓNS XERAIS


EU E OS MEUS COLEGAS.

É un libro dos mesmos autores que os de "Novo diario dun xove maniático" e "Eu tamén son maniática", pero este non ten un protagonista, senón varios.
A historia relatada non está mal, pero non me gustou a forma dos autores de contala.
Este libro fala dos problemas dos adolescentes, pero separando a cada protagonista segundo a súa de pensar e actuar, tentando plasmar a variedade de formas de ser dos adolescentes.

Ángel Manuel Torres 3 º A

EU E OS MEUS COLEGAS:

Fixose moi interesante porque fala dun tema moi importante que son as drogas que consomen os rapaces. Entre eles hai un macarra que busca problemas a xente...

Miriam Durán Freire 3ª A

Paréceme un bo libro, xa que fala de problemas que ocorren hoxe en día na sociedade, pero ten un gran fallo que é que repite moito unha mesma idea. Se che gustan os libros de aventuras, ou de entretenimento este non é xa que esa mesma idea ó cabo de todo o libro,cansalle ó lector.

Sergio Portela Santos 3ºA

A min este libro gustoume moito porque fala dos problemas da sida e como poder previlo. Eu o recomendo á xente que lle interese este tema.

Seila Masenlle Alonso 3ºB

Este libro non me gustou moito xa que repetía moito o mesmo tema, e facíaseme aburrido.Deste libro, o que máis me gustou foi o principio.

Catalina Otero 3ºA

AUTOR/A: MA PHERSON

editorial: EDICIÓNS XERAIS


NOVO DIARIO DUN XOVE MANIÁTICO.

Este libro gustoume bastante. É un libro interesante, a pesar de que a historia non é unha gran cousa. Fala de aspectos da vida dos adolescentes, ademais aporta datos interesantes para a xente nova.
Os autores, que son dous médicos, prestan especial atención no seu relato ,o desenrolo físico e psicolóxico dos rapaces.

ÁNGEL MANUEL TORRES 3º A

ALFAGANN É FLANAGAN (ED.XERAIS)
É un libro moi engaiolante, xa que é unha novela policíaca na que o detective é un rapaz de dezaseis anos (o que fai que nos sintamos próximos á novela). Ademais, algo que fai que a novela sexa máis entretida é o humor irónico que soe aparecer.

PABLO PIÑEIRO 4º A

O libro é bastante bo, ten escenas mais bonitas que outras e en xeral e bastante entretenido, sobre todo a escena final. Recomendollo a todos é un libro xenial.
David Gestido Entenza (21/12/09)

“El niño con el pijama de rayas”, unha cita a cegas.

Se tes pensado ler este libro o primeiro que tes que facer é non ler nada do que se escriba sobre el. Será como unha cita a cegas. Terás que confiar en min ou en algún amigo ao que só debes deixarlle que che diga si cho recomenda ou non. Calquera outro dato non fará máis que ir estragando a túa posible lectura. O relato está construído dende a... ¡Xa o estou desgraciando!

A lectura deste libro tráeme á cabeza un xogo cinematográfico, que recomendo aos coleccionistas de sensacións e aos amigos das sorpresas. Regálate unha sorpresa. O xogo consiste en entrar nunha sala de cine sen saber que é o que proxectan. De entrada xa é como unha máquina do tempo avariada, non sabes onde te vai deixar. Nas gradas dun circo da Roma imperial, nun deserto africano do século XIX, nunha nave espacial perseguindo androides defectuosos... Todo é posible. Unha viaxe alucinante. Pero este xogo ten un perigo e é que se entras ó chou nun cine calquera, en contra do que parece, pérdese o factor sorpresa xa que tes un alto índice de probabilidades de asistir á porcallada cinematográfico da semana, Chico soba chica, chico asasina chicas o chico salva mundo. Que xa será moito salvar, e ademais ¿Quen che pediu que o salvaras pastrán?. O que ten o mundo é que sempre ten xente disposta a salvar ós demais... incluso encontra da súa vontade. Eso si que é altruísmo.

Pois este xogo é necesario para ler este libro se queres saborealo na forma en que foi planificado. Non é unha obra mestra. Nin pretende selo. É un libro sinxelo con unha esmerada elaboración do armazón para poder crear no lector determinados estados de ánimo e de emoción. É só un libro que hai que ler. É un libro que sabe dicir cousas importantes sen levantar a voz. Un libro onde as preguntas retumban e están feitas en voz baixa.

O CORSARIO NEGRO
AUTOR/A: EMILIO SALGARI

EDITORIAL: EDICIÓNS XERAIS

O Corsario Negro

A min gustoume este libro.

Nel relátanse as intrepidantes aventuras dun capitán corsario que o alcumaban “o Corsario Negro”.Este libro seguro que lle gustará á

xente afeccionada ás historias de piratas e corsarios.O Corsario

despois de saber a morte do seu último irmán,que foi asasinado

polo home que matou aos seus outros irmáns,fará un xuramento

ao mar onde están enterrados.Matará a Wan Wuld e a toda a súa

familia.

A verdade, quedei enganchado con esta historia,aínda que algo

longa non me importou.Espero ler canto antes os dous libros que

me faltan da triloxía do Corsario Negro.

Xosé Guerra Vilas 4ª