Foto biblioteca

Foto biblioteca

21/05/20

Un cabelo de anjo

  O poema Un cabelo de anjo foi tamén escollido polo noso alumnado para elaborar caligramas en homenaxe a Carbalho Calero.

Un cabelo de anjo
pendurado do ceo,
se non é a espada de Democles
é adival para o espírito,
ximio equilibrista,
que, nel agareado,
pode arrandear sobre a terra
e crer que é a araña dun fío
tirado do seu propio miolo,
cordón umbilical que o vencella
o seu niño que está no azul.
Mais non sabemos
qué é o norte, qué é o sul,
o cenit e o nadir,
a vida e a morte,
a terra e o ceo,
cál é o metro que leva ao paraíso
e qué aeronave nos conduz ao inferno.


Gael Calviño - 1º ESO B

 
 Clara Costas - 3º ESO A

Nerea Rodríguez - 1º ESO A

 Carla Santos - 1º ESO A

Sergio Gago - 1º ESO B

20/05/20

Caligramas Praia de Corujo

Hoxe publicamos os caligramas que algúns alumnos e alumnas elaboraron
a partir do poema de Carbalho Calero Praia de Corujo.

Na area para min alguén cravou
o parasol, e á sua sombra puxo
a hamaca para min. O mundo Egipto.
Flabelo e trono: eu faraón.
No meu reino de auséncia, ausente impero.
Esquecido de min e o mundo, ambos
somos un, como o corpo e a alma. Todo
non cobizado é fácil para min.

Secretos pensamentos me arrodeian
como escravas despidas, que non ousan
un tilintar de ajorcas, e se esfuman,
virges ideias, no meu puro harem.

Sobre ninguén impero e reino en todo.
E o mundo é aquala e eu aquel, e somos
el, ela e eu os únicos,
e os tres un. E a unidade é, un intre, tres.

Da miña orquestra real, azuis doncelas,
esparegendo as suas testas brancas,
tangen os cons, arrolan o meu sono,
e os seus cabelos estran aos meus pes.
O sol olla-me, o sol paterno, voo
de áureo falcón imóvel sobre a vida.
O seu ouro é o meu sange, e, lento, flui
no meu corpo solar.

Teito azul, chan enxebre, alta pirámide.
Faixa
Adobiado estou. Pechade a porta.
Poñede o selo. El, ela e eu. Só un.

Martín Touriño - 1º ESO B 


Daria Medeea Lascu - 1º ESO C 

 
Miguel Torres - 1º ESO C

 Eva Dopazo - 1º ESO B

19/05/20

Flautista (Auletés)


Os poemas visuais que hoxe presentamos sobre a obra poética de Ricardo Carbalho Calero, tiveron como fonte de inspiración o poema Flautista (Auletés).



En Lokbias tañe una flauta,

en Sanssouci;
así consuela su nostalgia
Ptolomeo;
Friedrich también.
Estrujadora Alejandría,
severa Postdam;
es melancólico ser rey,
leyendo a Cátulo o a Voltaire.
Cercano a la orilla de Libia
o a la llanura central de Europa,
el auletés,
pensando en legionarios o cosacos,
mariposa nostálgica, chupa la miel
de la triste flor de la flauta,
combándose bajo el klaft o el tricornio
la nostálgica cabeza colgada del más allá.
No importa estar borracho
y pellizcar la grupa de los días, o
disponer las compañías de plomo
sobre una mesa rococó.
Dura carga es ser rey,
basileus o könig,
capitán o sobornador
contendiendo con césar o kaiser
mediante fuego de oro o fuego de cañón.
Bañar en el río tibio de la música
el alma cansada de espiar,
es natural;
hila tristeza el rey así,
el auletés,
Lokhias o en Sanssouci,
larva llorosa, para encapsular,
que el dolor en seda es menos ruín.
Por eso siempre al atardecer,
tañe en Lokhias, en Sanssouci,
la misteriosa flauta real.
Bajo la luna pura y cruel,
entre la zozobra del vivir,
hila su lágrima el auletés.

Noa Pastoriza - 1º ESO A


Antón Otero - 1º ESO B

18/05/20

Caligramas Madrigal a Rosalía

     Xa temos algúns dos caligramas que o noso alumnado fixo baseándose en poemas de Ricardo Carbalho Calero. Hoxe presentamos algúns dos inspirados no poema Madrigal a Rosalía.

A ti, sombra perdida, esprito pervagante,
que entre néboas de alén andas errante.
A ti, clara voz morta, ollos feridos,
pazo esquecido, outono
lonjano, chúvia
aceda de lecer, sibila
chorosa; a ti, que tes
o corazón de lua traspasado,
nas mans tremor de maina bris que ri,
as fazulas aradas pola dor
-oh estadea de bágoas sen fine
na fronte un fantasma aluarado:
a ti,
de min,
aos pes,
afIor
dun siléncio ajoellado

Pedro Costas - 1º ESO A

Carla Souto - 1º ESO A

Antía Freire - 1º ESO A

Andrea Piñeiro - 3º ESO A

Alba Durán - 3º ESO B

17/05/20

Documental Ricardo Carbalho Calero

     Co gallo da homenaxe que toda Galiza lle rende a Ricardo Carbalho Calero o 17 de maio de 2020, Día das Letras Galegas, a biblioteca do IES Illa de Ons colaborou na edición do seguinte documental sobre a figura deste autor.
     Neste proxecto, elaborado baixo a dirección do Equipo de Dinamización da Lingua Galega e dos departamentos de Lingua Galega e Literatura, Lingua Portuguesa e Educación Plástica do centro, unha parte do noso alumnado de 1º ESO e os profesores da materia de Lingua Galega e Literatura, puxeron voz a algúns textos adaptados do libro Ricardo Carvalho Calero. Unha vida pola Galiza e o galego, de Paulo Fernández Mirás.
     Agardamos que vos guste!
 

15/05/20

Negra sombra

     Hoxe é Pablo Villegas (2º ESO B) quen contribúe con Negra Sombra, de Rosalía de Castro, na proposta poética da biblioteca para esta tempada de confinamento. Negra Sombra, poema contido no libro Follas novas (1880), foi musicado por Xoán Montés Capón no ano 1892 e versionado posteriormente por varios artistas.


Cando penso que te fuches, 
negra sombra que me asombras,
ó pe dos meus cabezales
tornas facéndome mofa.
Cando maxino que es ida
no mesmo sol te me amostras
i eres a estrela que brila
i eres o vento que zoa.
Si cantan, es ti que cantas;
si choran, es ti que choras
i es o marmurio do río
i es a noite, i es a aurora.
En todo estás e ti es todo
pra min i en min mesma moras,
nin me abandonarás nunca,
sombra que sempre me asombras.
 _
     Moitas grazas, Pablo!

14/05/20

O Mar português de Pessoa

Pablo Loira (2º ESO A) colabora novamente na iniciativa Poesía no teu sofá con Mar português, un poema de Fernando Pessoa publicado en 1934 no libro Mensagem.
Moitas grazas, Pablo!



 Ilustración de Ana Pownall

MAR PORTUGUÊS
Ó mar salgado, quanto do teu sal
São lágrimas de Portugal!
Por te cruzarmos, quantas mães choraram,
Quantos filhos em vão rezaram!
Quantas noivas ficaram por casar
Para que fosses nosso, ó mar!
Valeu a pena? Tudo vale a pena
Se a alma não é pequena.
Quem quer passar além do Bojador
Tem que passar além da dor.
Deus ao mar o perigo e o abismo deu,
Mas nele é que espelhou o céu.

12/05/20

A Rosalía e Madrigal á cibdá de Santiago

     Xa teñen que estar contentos os sofás do noso alumnado con tanto verso recitado. Hoxe publicamos as grabacións de dous alumnos de 2º ESO A, Telmo Villanueva Carballo que recita A Rosalía, de Manuel Curros Enríquez e Pablo Loira Hermida lendo Madrigal á cibdá de Santiago, de Federico García Lorca.
     Moitas grazas aos dous!
A Rosalía 




Madrigal á cibdá de Santiago


11/05/20

Ricardo Carbalho Calero

     Achégase a data de celebración das Letras Galegas e xa sabedes que este ano o autor homenaxeado é Ricardo Carbalho Calero, referente da historia do idioma galego: como investigador, como autor literario e como docente e promotor da nosa lingua nos diferentes ámbitos, espazos e contextos de uso. É o responsable da primeira gramática do galego elaborada cunha base científica sólida e da primeira historia da literatura galega contemporánea, ademais de ser o primeiro profesor en ocupar a cátedra universitaria de Lingüística e Literatura galegas. Un auténtico pioneiro e un incansable defensor (e tamén construtor) da nosa identidade como comunidade, como pobo, como país.
 
     A REAL ACADEMIA GALEGA e o PORTAL GALEGO DA LINGUA contan cunha grande cantidade de material e actividades sobre o autor, dirixido a rapaces e rapazas de todas as idades.
     
     Desde a biblioteca propoñemos ao alumnado do IES Illa de Ons unha actividade poética e visual baseada nalgunha das súas obras.
     Seguramente teredes escoitado falar dos caligramas e probablemente fixestes algún nalgunha ocasión. Un caligrama é unha representación gráfica a partir dun escrito. Xeralmente os textos nos que se basea son poéticos e neles as palabras dispóñense sobre o papel coa intención de representar graficamente o seu contido, por iso son coñecidos como poesías visuais. 
     Ao longo da historia atopamos numerosos exemplos de representacións que xogan co texto e coa imaxe, pero é no século XIX, coas vangardas europeas, cando o caligrama convértese nun xénero específico da literatura. Co poeta vangardista francés Guillaume Apollinaire, póñense de moda nas primeiras décadas do século XX. 



Anímaste a facer un? Segue os seguintes pasos para elaboralo:
  • Primeiramente seleccionaremos un poema do autor (non ten que ser necesariamente o poema enteiro, podes escoller un fragmento ou estrofa). → POEMAS
  • Faremos un debuxo sinxelo con lapis sobre o papel, que represente a idea que nos suxira o poema.
  • A continuación escribiremos o poema seguindo o contorno do debuxo ou encheremos a área limitada polas liñas, de maneira que os versos non excedan o contorno fixado polo debuxo. Cando teñamos o texto definitivo repasarémolo cun rotulador fino.
  • Por último borraremos os trazos de lapis para deixar só visibles as palabras e os versos que conforman o caligrama.
  • Tamén poderemos recortar palabras de revistas, xornais, folletos... para reciclar e crear o poema visual con diferentes fontes e tamaños.

05/05/20

Pido talvez o que nom podes dar-me

      Unha nova achega de Poesía no teu sofá recorda a Ricardo Carballo Calero, autor homenaxeado este ano polas Letras Galegas. Manuel Gámez de 2º B recita o precioso poema Pido talvez o que nom podes dar-me. Moitas grazas Manuel!


Pido talvez o que nom podes dar-me.
O que talvez ninguém
pode dar-me. Isso pido.

Mas se tenho necessidade
desse alimento, pouco consolo é
para a minha fame que tal grao
nom se dê nas estepas desta terra.

Pede-lhe a quem me pujo neste mundo
o pam que deveu pôr-me baixo o braço
cando nacim.

Umha liçom de geografia económica
nom é farinha para o coraçom.

一
No seguinte audio podedes escoitar á cantante Ugia Pedreira interpetando este mesmo poema.




23/04/20

Día do Libro

     Pois aquí pillounos o Día do Libro, nas nosas casiñas, e que mellor maneira de celebralo que lendo? Ti que libros nos recomendas? Cal estás a ler agora? Cal foi o que che marcou na túa infancia? Cal quererías ler e aínda non o fixeches? Ah! que non sabes que libro ler??? pois que che receiten un libro! Terecetounlibro.org é unha iniciativa da Escola de Escritores pola que distintos autores receitan libros en consultas online para soportar a corentena. Hoxe, para conmemorar o Día do Libro, os/as escritores/as multiplicarán as súas consultas atendendo entre as 10:00 e as 22:00 este consultorio, que contará con numerosos librólogos de garda.

Que queres ler e todos os libros da casa xa os devoraches? Durante esta crise do coronavirus moitas editoriais liberaron os seus títulos coa iniciativa #KeepReadingEnCasa, ou #YoMeQuedoEnCasaLeyendo que se puxo en marcha a primeira semana de corentena (con estes hastags atoparedes numerosas actividades online para este Día do Libro).

     Pouco antes do confinamento, a biblioteca adquiriu algúns libros que están a ser catalogados. Cando retomemos a actividade presencial poderedes gozar deles.


    Moito ánimo, que xa queda menos!

13/04/20

Día Mundial do Bico

     O 13 de abril conmemórase o Día Mundial do Bico, un acto que estreita vínculos entre as persoas e co que demostramos amor e benquerer. Os bicos románticos, os bicos na fazula, os bicos de nais e pais a fillos, ou os bicos virtuais... que son os que tocan nestes días.
    Aí van algúns títulos para compartir en familia cos máis pequechos.

01/04/20

A Ruy Xordo e Horizonte

     A iniciativa Poesía no teu sofá comparte hoxe as achegas de Xoán Rodríguez, un dos nosos profesores de galego e portugués, que pon voz a dous poemas A Ruy Xordo e Horizonte, de Lorenzo Varela e Fernando Pessoa respectivamente.

A Ruy Xordo

Aramos sobre os mortos nesta terra
i o noso pan ten un sabor de hosos
familiares, irmáns. O monte berra
baixo do arado, e chámannos os nosos
desde a morte con voces conocidas:
«Nin marqueses, nin cregos, nin doutores
fixeron as ribeiras verdecidas,
nin o guerreiro coiro dos tambores.
Os condados do polvo son dos mortos
e quen queira ser dono desta terra
que veña navegando aos nosos portos.
Os que pidan o fruto sin labores,
si non morren de seu, morran de guerra,
e desta terra, así, serán señores».

Horizonte

 

 

Moitas grazas, Xoán!

24/03/20

Romance incompleto e A árbore

     Hoxe contamos coas achegas de Toño Omil, profesor do IES Illa de Ons, e Emma Freire, alumna de 1º ESO C. Toño recita Romance incompleto, poema de Celso Emilio Ferreiro incluído en Longa noite de pedra, e Emma recréanos coa lectura dunha poesía escrita por ela mesma, A árbore.




Moitas grazas!

23/03/20

Da terra asoballada e O soño sulagado

      Hoxe publicamos dúas composicións audiovisuais inspiradas en poemas de Ramón Cabanillas e Celso Emilio Ferreiro. Na primeira delas, Alba Porto, Paula Fernández, Antía Novas, Diana Ogando e Sara Soliño de 4º ESO A, declaman unha selección de poemas da obra de Cabanillas Da terra asoballada. A continuación podedes ver o traballo audiovisual de Pedro Costas, de 1º ESO A, baseado no poema Eu en ti, de Celso Emilio Ferreiro.



Moitas grazas!

22/03/20

Continuamos a compartir poesía

     A comunidade educativa do IES Illa de Ons continúa a colaborar coa iniciativa Poesía no teu sofá; nesta ocasión son dous alumnos de 1º ESO, Manuel Juncal e Gael Calviño, os que queren compartir con vós as súas lecturas de poemas. Moitas grazas aos dous!

Manuel Juncal Pastoriza


O escudo, Manuel María. Gael Calviño Comedeiro.

21/03/20

Máis Poesía no teu sofá

     Hoxe, Día Mundial da Poesía, profesores e profesoras do noso centro poñen voz a poemas de Lugrís Freire, Pessoa, Celso Emilio Ferreiro, Baldo Ramos, Jaime Barreiro e Chus Pato.

Anxo Rajó recita Amor de Manuel Lugrís Freire e D. Diniz de Fernando Pessoa.


Diana Vilas recita Eu en ti de Celso Emilio Ferreiro e
Ás veces fáltannos as palabras de Baldo Ramos.


Poema de Jaime Barreiro recitado por Esther Lorenzo


 Antón Guitián recita un poema da obra Urania, de Chus Pato.


Lembrámosvos que durante estes días de corentena toda a comunidade educativa pode seguir enviando os seus audios e vídeos recitando poesía en galego.

Moitas grazas polas vosas achegas e feliz día!

18/03/20

Unha serea poeta

Xa temos a primeira achega á iniciativa Poesía no teu sofá, en galego. 
Violeta Gago Rosales recita Unha serea poeta, poema incluído no libro Poemar o mar de Antonio García Teijeiro.


Moitas grazas, Violeta!


POESÍA NO TEU SOFÁ, en galego

       Achégase o Día da Poesía e nós con estes pelos! A situación que estamos a vivir colleunos por sorpresa e aquí ficamos, nas nosas casiñas, gastando máis sofá da conta... Desde a biblioteca propoñemos achegarlle un pouco de arte a este tempo de apoltrone que provoque algo máis que o luír extra dos mobles da casa.
       Nos últimos días están a xurdir nas redes múltiples recomendacións para levar algo mellor o tempo de illamento: bibliotecas dixitais, novo cinema galego, museos virtuais, teatroteca, documentais, concertos en directo, cultura en 360º, salón do libro virtual... Entre todas elas hai unha iniciativa para combater a corentena a ritmo de verso: #PoesíaEnTuSofá. Este festival, que terá lugar os próximos días 20, 21 e 22 de marzo, propón a un grupo de artistas de distintas disciplinas o recitado de poemas desde cada un dos seus perfís de Instagram.

     Na biblioteca ímonos apropiar da súa idea para facer a nosa versión particular:
POESÍA NO TEU SOFÁ en galego
Versión en galego da imaxe orixinal 
 
     Animamos a toda a Comunidade Educativa do IES Illa de Ons a participar nesta proposta que consiste en recitar poemas en galego (propios ou alleos) e gravalos para compartilos a través do blog da biblioteca. Podedes enviar os vosos vídeos ou audios, durante os días que dure esta reclusión inevitable, á conta de correo da biblioteca: biblioteca@iesillaons.com. Unha vez revisados publicarémolos de maneira gradual.

     Aquí tedes unha axuda → Listaxe de obras de poesía en galego

     Moitas grazas por participar!

09/03/20

Concurso de cartas

     Como xa todos e todas saberedes, a primavera o sangue altera e consecuentemente os nosos corazóns e espíritos románticos, poéticos e creativos funcionan dun xeito peculiar, un pouco acelerados e, nalgúns casos, a fume de carozo. Aproveitando esta circunstancia e a proximidade desta estación do ano e do Día da Poesía, a biblioteca convoca, en colaboración con ANPA, un concurso de cartas de amor, amizade, admiración, desamor... dirixido a todo o alumnado do IES Illa de Ons.


07/03/20

8M PÉSCALO?

 
     O fío condutor desta proposta é a idea de rede nos seus múltiples significados, como instrumento propio da Galiza mariñeira e como idea de unión, conexión, ramificación, tecido... A rede é tamén un elemento moi presente nas obras dunha artista galega, Maruja Mallo, que usamos como referente e inspiración para as (re)creacións fotográficas e o collage co que construímos este cartel.

  
    Os nosos corpos e as nosas caras forman parte deste collage para sinalar que nós, o alumnado do IES Illa de Ons, non somos debuxos nin figuras de ficción, somos persoas de carne e óso, de sexo e xénero diverso, que xuntos/as sostemos a rede coa que queremos pescar ideas que axuden a construír unha sociedade máis igualitaria. A nosa pesca componse de respecto, feminismo, forza, unión, das ideas de que somos diferentes pero queremos ser iguais en dereitos.... Péscalo?
     O lema que acompaña á imaxe invítanos a participar nesa pesca, máis convídanos, tamén, a reflexionar sobre a propia mensaxe do cartel interrogándonos sobre se entendemos a idea que este transmite, e para que todos/as poidan pescalo, unha das figuras do noso cartel reproduce en lingua de signos a mensaxe de que “podemos logralo”, formada polas palabras “muller” e “forza”, que puidemos representar grazas ao consello dunha profesional pertencente a DonSigno.
Este traballo foi realizado polas profesoras e o alumnado da materia de Igualdade, coa colaboración da Biblioteca do IES Illa de Ons. O cartel presentarase mañá no noso centro, durante un acto organizado na hora do recreo.

01/03/20

Miserábeis no Salón do Libro

    Un ano máis o Salón do Libro Infantil e Xuvenil de Pontevedra abre as súas portas. Nesta 21ª edición, unha actividade proposta polo noso centro formará parte da programación do Salón, que foi presentada o pasado xoves pola concelleira de Cultura Carmen Fouces. Será co musical Miserábeis, a adaptación da obra de Víctor Hugo estreada en Cangas e Bueu o pasado mes de xuño, co que novamente alumnado, profesorado e persoal non docente do IES Illa de Ons subirá ao escenario a emocionar ao público. Se aínda non sabes de que vai o tema, aquí tes un anticipo do que poderás ver o venres 13 de marzo, ás 21:00 horas, no Teatro Principal de Pontevedra.