Pois xa temos a biblioteca preparada para comezar este novo curso dun xeito seguro. Nos seguintes carteis, que atoparedes no cortizo da entrada e en distintos puntos da biblioteca, tedes toda a información necesaria para coñecer o protocolo que seguiremos en canto ao uso deste espazo.
Neste novo curso que comeza, a biblioteca continuará a ser o lugar de referencia para a lectura, a información e as diferentes aprendizaxes. Para facer un uso seguro deste espazo común, o equipo da biblioteca está a ultimar un protocolo cunha serie de normas que a comunidade educativa debe cumprir para que todo funcione correctamente. Mentres deseñamos os carteis infográficos que ilustrarán estas normas, podedes ir vendo nesta presentación unha idea das medidas que imos tomar.
Agardámosvos na biblio!
