Mañá saberemos que deseños resultaron premiados!
O alumnado de 4º ESO estivo a traballar, na materia de Lingua e Literatura Galega, arredor da obra de diferentes autores das vangardas galegas. Entre as propostas prácticas realizadas destacan as pezas audiovisuais inspiradas no libro De catro a catro, de Manuel Antonio. Esta obra, escrita en 1928 e a única publicada en vida, foi composta durante a primeira travesía marítima do autor; consta de 19 poemas e preséntase como unha especie de caderno de bitácora onde o poeta vai anotando as súas vivencias na viaxe.
Amosamos aquí algúns dos estupendos vídeos que fixeron os rapaces e rapazas.
Desde a biblioteca propoñemos a seguinte actividade para o 14 de febreiro. Atréveste?
