Comeza o torneo de xadrez

 

     Durante os recreos dos mércores das vindeiras semanas terá lugar, no anexo da biblioteca, o torneo de xadrez do IES Illa de Ons.

A Foto Fala e Tes un minuto?

     Un ano máis, o Equipo de Dinamización da Lingua do IES Illa de Ons coa colaboración da ANPA, propón a participación do alumnado en dous certames audiovisuais: “A foto fala” e “Tes un minuto?”. 

     Consulta as bases nos seguintes carteis:

Torneo de xadrez

     Recordamos ao alumnado, profesorado e persoal non docente do IES Illa de Ons que aínda están a tempo de inscribirse no torneo de xadrez que terá lugar na biblioteca nas vindeiras semanas. Aínda que non controles moito deste xogo podes pasarte pola biblioteca un recreo a repasar as normas, movementos e algún que outro truquiño. 

     Anotádevos antes do 24 de xaneiro!

Últimas adquisicións da biblioteca

     Aquí tedes algunhas das adquisicións deste último mes da nosa biblioteca: xogos, historia, gramática e humor, igualdade, diversidade, lectura fácil... 

     Queremos destacar entre elas Tes terras? un xogo de mesa creado en Bueu por Pedro Meira e Paula Pastoriza, no que poderedes apropiarvos de diferentes lugares e parroquias do Morrazo e que, polo momento, atoparedes á venda en GÁIDIL.