Hoxe tivo lugar o acto de entrega de premios aos gañadores e gañadoras do concurso O teu mundo é unha poesía. Poetizas?, organizado pola Biblioteca e a ANPA do IES Illa de Ons para conmemorar o Día da Poesía. O alumnado interesado en participar podía presentar ata un máximo de tres creacións poéticas en galego, con temática e técnica libre, baseadas ou vinculadas a unha imaxe.
Da entrega dos agasallos fixéronse cargo María Portal, profesora de Lingua e Literatura Castelá, e Mari Nores, presidenta da ANPA; ambas membros do xurado encargado de valorar as propostas presentadas. As alumnas e alumnos premiados recibiron un diploma e vales para trocar nos distintos establecementos de Bueu adheridos á ANPA. Tamén outorgáronse mencións especiais a tres traballos poéticos que recibiron unhas caixas moi chulas de bombóns.
Nas seguintes imaxes podedes ver as creacións gañadoras do certame. Noraboa a todas e todos os participantes.
2 comentarios:
Noraboa! Canta sensibilidade
Moitas grazas polo teu comentario!
Publicar un comentario