Guías de lectura. Decembro 2014

Un bo agasallo no Nadal: libros e música en galego.

GUÍAS DE LECTURA DE SECUNDARIA

 

GUÍAS DE LECTURA DE PRIMARIA 

  

 GUÍAS DE LECTURA DE INFANTIL

MÚSICA PARA FACER AGASALLOS:

LIBRO ONS ONDAS, DOUS.

VÍDEO PRESENTADO NO MUSEO MASSÓ DE BUEU, O DÍA QUE SE DEU A COÑECER O LIBRO ONS ONDAS, DOUS.

XOVES 18 DE SETEMBRO,ÁS 20,30H.NO MUSEO MASSÓ DE BUEU PRESENTACIÓN  DO LIBRO ONS, ONDAS DOUS.

O LIBRO CONTÉN NARRACIÓNS MARIÑEIRAS ESCRITAS POLO ALUMNADO DO IES ILLA DE ONS.

TALLER DE REGUEIFAS CON PINTO DE HERBÓN E O CARUNCHO

O mércores 28 Pinto de Herbón e Luis o Caruncho impartirán un taller de regueifas aos alumnos do centro.





O resultado foi moi bo segundo os comentarios dos alumnos de 3º e 4º da ESO

MARCOS CALVEIRO EN BELUSO

O escritor Marcos Calveiro, autor do libro O pintor do sombreiro de malvas, dará un relatorio sobre esta obra no Salón de Actos do CEIP MONTEMOGOS (Beluso) o vindeiro mércores 28 ás 16:00h. Trátase dunha obra de literatura xuvenil e de adultos, polo que convidamos a participar ao alumnado de Secundaria e ao profesorado .
Outros títulos do autor que temos na nosa biblioteca:

"SETTECENTO"

"CENTAUROS DO NORTE"

"TODOS SOMOS"

Recitado de cantigas

Video Alborada de Rosalía feito entre os centros de ensino do Morrazo

GUÍAS DE LECTURA

Que mellor regalo que facelo  dándolle un libro de agasallo !!!

Culturgal

Venres 29 e sábado 30 de  novembro e domingo 1 de decembro en Pontevedra celebrarase o Culturgal, a feira das industrias culturais galegas, con actividades diversas para todas as idades.
http://culturgal.com/programacion-culturgal-2013/

Primeiro da ESO en busca do conto perdido

A Biblioteca Municipal de Bueu e a editorial Nivola convidáronnos hoxe pola tarde a unha entretida charla na que unha matemaga conseguiu presentarnos xuntos o mundo das narracións tradicionais e o dos números. Tomando como fío condutor unha partida de oca, na que se enfrontaron moi duramente o EQUIPO AZUL contra o EQUIPO AMARELO, entre todos fomos resolvendo as diversas cuestións que nos foron poñendo, sempre sobre os contos de toda a vida: Cincenta, Carapuchiña Vermella, Alicia no País das Marabillas... E asegúrovos que algunha de fácil non tiña nada, sobre todo unha que consistía en acertar unhas claves. Menos mal que deu coa solución certa rapaza de Beluso, que se non algúns aínda estamos agora dándolle voltas á cabeza. Tamén tivo o seu momento estelar Cristian Piñeiro, que tivo que saír diante de todos para escoitar, cos ollos tapados, diversos sons e intentar relacionalos cos seus recordos. Houbo a quen lle parecía moi fácil a cousa pero, claro, cos ollos abertos calquera!

Unha das cousas máis interesantes foi cando se falou dos significados ocultos dos contos. Que se o sangue indicaba falta de pureza, que se referencias sexuais ocultas... Vaia, que eu nunca me fixara en que os contos se podían entender de varias formas. Haberá que ler algún outra vez. Por alí xa había quen estaba disposto! Ao mellor, ata os hai nesa biblioteca: polo menos na sala na que estivemos había un bo montón de libros para a nosa idade. Uns cantos nunca estiveramos alí, pero só con facernos socios podemos levalos prestados para a nosa casa.

Por certo, a partida de oca gañouna o equipo... Vaia, xa non me acordo! Bo, dá igual! O importante é que pasamos unha hora divertida. O peor foi que tivemos que ir e volver á chuvia. Os profes e algúns alumnos levaban paraugas e cazadoras, pero houbo quen pillou unha ben boa.

Visita ao salón do libro de Pontevedra

Este mércores 20 de marzo, para descansarmos un pouquiño de tanto exame seguido, fomos todos os de primeiro ata o Salón do Libro de Pontevedra. A algún o nome parecíalle algo aburrido, pero puidemos entrar nun ordenador xigante, vimos un antiquísimo "camión" de bombeiros, gramófonos, calculadoras "prehistóricas", unha morea de máquinas e engranaxes e ata aprendemos curiosidades sobre a orixe da colocación das letras nos teclados dos ordenadores e dos móbiles. Ah, e fixemos un novo amigo, que sae aquí na foto no momento de chegar a Pontevedra desde a súa casa de Canislupilandia.

Despois viñeron en cirolas Mofa e Befa coa obra Románticos, na que foron desfilando (e facendo monecadas) un montón de escritores desta época: Lord Byron, Mary Shelley co monstro de Frankenstein, Rosalía, Bécquer... Xusto despois fixo a súa aparición o Holandés Errante, surcando os mares do mundo cuns curiosos efectos especiais a base de plástico e ventilador. Ao final, non sei se quedou de todo claro se era máis romántico este mariñeiro eterno ou tomar molladuras indo aos partidos invernais do Racing de Ferrol. Que cadaquén tire a súa conclusión.

A pesar de tanto "traballo", aínda nos quedou algo de tempo para choutar pola Illa das Esculturas e internarse polo seu estreito labirinto.
Crónica: Moisés

Salón do libro

 

Os de primeiro... a toda máquina para Pontevedra! o mércores 20 de marzo.

Desde antigo levan os homes construíndo máquinas que lles faciliten diferentes traballos. Os autobuses lévannos, os guindastres líbrannos de mover pesadas cargas, os móbiles póñennos en contacto coa nosa xente en calquera momento... Mais quen non soñou algún día con dispoñer dalgún trebello tiraburrimentos, outro que nos teletransporte de maneira instantánea ou incluso un que nos cure as feridas se damos un tombo? E un chintófano que nos librase da peluxe de debaixo da cama? Tampouco estaría mal, eh? Veremos, pois, no XIV Salón do Libro de Pontevedra as máquinas que saíron das mentes doutros alumnos que soñaron novas posibilidades, algunhas talvez perfectamente inútiles e outras que quizais nos faciliten a vida. Haberá que descubrilo!

 

E, como o mellor será regresarmos cun sorriso, Mofa e Befa (Evaristo Calvo e Víctor Mosqueira) subiran ao escenario para representar "Románticos", unha comedia sobre o amor total. Aí mesturarán, cunhas cantas cancións polo medio, o conde Drácula con Rosalía de Castro e ata con algún zombi despistado. Ou é que alguén pensou que os mortos viventes non tiñan dereito a amar? Amor e risos para todos, como debe ser!

GUÍAS DE LECTURA

Unhas festas de nadal cheas de lecturas.

GUÍAS DE LECTURA PARA E.S.O /BACHARELATO

Recitando a Celso Emilio."Deitado frente ao mar"

Camisetas para lembrar a Celso Emilio na defensa da nosa lingua

O mércores 12 do 12 de 2012 na hora do recreo e no espazo da biblioteca  terá lugar o recitado do poema de Celso Emilio "Deitado frente ao mar",coa participación de alumnos, profesores e persoal non docente.

Mércores 12 do 12 de 2012.Recitando a Celso Emilio

 o mércores 12 de decembro acto na biblioteca, recitando o poema" Deitado frente ao mar" de Celso Emilio Ferreiro.Organizado polo equipo de biblioteca e o equipo de dinamización do uso do galego.
   RecitandoCelsoemiliO
      
      Deitado frente ao mar


Lingua proletaria do meu pobo,
eu fáloa porque si, porque me gosta,
porque me peta e quero e dáme a gana;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sen raíces
que ao pór a garabata xa non saben
afirmarse no amor dos devanceiros,
falar a fala nai,
a fala dos avós que temos mortos,
e ser, co rostro erguido,
mariñeiros, labregos da linguaxe,
remo i arado, proa e rella sempre.
Eu fáloa porque si, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingua.
Non falo pra os soberbios,
non falo pra os ruíns e poderosos,
non falo pra os finchados,
non falo pra os baleiros,
non falo pra os estúpidos,
que falo pra os que aguantan rexamente
mentiras e inxustizas decotío;
pra os que súan e choran
un pranto cotidián de bolboretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ao mar, ise camiño...

LECTURA DE MICRORELATOS

o xoves día 8 realizamos na biblioteca unha sesión de microrelatos, algúns de autores coñecidos e outros de creación propia.A participación foi numerosa, polo que terá continuidade o venres día 9.Noraboa a tod@s os participantes.

SESIÓN DE MICRORELATOS

O próximo xoves  na biblioteca terán lugar unhas lecturas de microrelatos escollidos polos alumnos dos diversos cursos.
Irán acompañados de música ,podendo ser relatos de terror, cómicos, absurdos, de ficción,reais,etc...
Esperamos a vosa asistencia e participación.

Presentación da biografía de Bernardino Graña

O xoves 27 no café libraría Rinoceronte en Cangas, tivo lugar a presentación da biografía de Bernardino Graña, coa presenza do autor, Héitor Mera.

O autor firmou o libro que adquiriu  a biblioteca  do instituto .

 

O sábado 29 terá lugar  ás 8 da tarde unha homenaxe ao tradutor Henrique Harguindey no café- libraría Rinoceronte de Cangas.

Interveñen Francisco Pillado e Salvador castro.

Haberá unha actuación poética-musical a cargo de Juan Carballo e Ramón Núñez.

Presentación libro ons ondas

O próximo mércores día 13 de xuño ás 21h no museo Massó de Bueu terá lugar a prresentación do libro "ONS ONDAS", libro composto por historias recollidas por alumn@s do IES ILLA de ONS,relativas ao mundo do mar, a pesca,a illa de ONS,a navegación.

<<Adán,como os antigos,sabe quen é,venera os seus antepasados,ama a súa illa,o su traballo e o seu mar.

Adán é doutro tempo, do tempo no que valía a palabra dun home, do tempo en que a comunidade sentía.Adán é do tempo en que as persoas cantaban ao traballo.

Se ben se mira, estas catorce historias puideron ser contadas por Homero.A fin de contas Ulises era un navegante que adoecía por voltar a súa illa, que era tan pobre que “só é boa para as cabras”.A cousa non estaba entón no diñeiro nin na riqueza.Era outro o motivo de voltar.

Unha comunidade sostendo a pulso un barco desde terra con cabos durante toda unha noite é un relato épico.Máis para Adán iso forma parte do normal.Todo depende de como se mire.Eu mireino desde fóra e estou abraiado.

Nas historias que ambienta na Illa as persoas son personaxes dunha obra e o mar envólveas nunha maré de soño .

Ás veces o propio Adán paréceme un persoaxe, unha parte dun soño dun neno, a inocencia do libro da Xénese encarnada no primeiro home.

Grazas, Adán.>>

Escrito de Xoán Xosé Rodríguez Rivas no libro ONS ,ONDAS

Xa temos gañadora do concurso de marcapáxinas.

A gañadora do concurso de marcapáxinas foi Belén Otero González, de 1º B co debuxo e lema
da imaxe anterior. Noraboa!!!

CONCURSO MARCAPÁXINAS

A biblioteca convoca un concurso de marcapáxinas, con data de  entrega o 27 de abril .

Entregaranse dous premios un  para 1º e 2º da ESO e outro para 3º e 4º da ESO que consistirán na publicación polo IES dos marcapáxinas premiados e unha dotación de 20 euros en libros.

A entrega dos premios será o 30 de abril na biblioteca.

PARTICIPA!!!

Concurso historias e contos de amor

Premiadas no 1º ciclo

1º Premio : Alexandra Iglesias 2º A " Admirador secreto"

2º Premio : Susana López 2º B " Amores indestructibles"

Premiadas no 2º ciclo

1º Premio :Sara Menduíña 3º A "Carta ás augas cálidas do Polo Norte"

2º Premio : Aida Queimaño 4º A " Un clavo quita otro clavo"

Fragmento do relato de Sara Menduíña :

"Outra calada. Estamos na cama do que antes era o noso piso. Ti estás espida e cos cabelos completamente alborotados e só a saba branca cobre o teu corpo. Tes un sorriso, estás feliz. Abres os ollos. Volvo a ver ese marrón cálido neles. Desapareces.

Outra calada. Topámonos nunha rúa solitaria. Está chovendo pero non levamos paraugas. Tes o cabelo completamente mollado e a camiseta pegada ao corpo tamén moi mollada. Chámote porque non paras de bailar, pareces unha nena pequena, dígoche que temos que volver a casa. E ti acercaste e disme que non podemos desperdiciar a chuvia. Eu non entendo o que dis, pero estás tan fermosa. Bícasme. Sabe a…Desapareces.

Outra calada. Estou ebrio. Ti estás falando nun ton algo elevado, pero non te escoito. Non paras de chorar. Sinto a necesidade de dicirche que non quero verte chorar pero en lugar diso soltoche que es unha chorona e que necesito o meu espazo. Acóstome no sofá e escoito como colles as chaves e cerras a porta. Desapareces.

Outra calada. Chego a casa despois dunha intensa xornada de traballo. Entro e voceo meu amor xa estou aquí, boteite de menos. Non respondes. Entro na cociña esperando encontrarme cos teus ollos ardendo de ganas de bicarme en no lugar diso encontro un post-it no que anuncias a túa marcha para non volver. Caio no chan. Desapareces.

As bágoas comezan a escorregar polo meu rostro. Fan carreiras a ver cal é a primeira en coarse na miña boca. Tiro o cigarro. Non podo seguir fumando o acabarei afogando nas miñas propias augas.

Consulto o reloxo. Son xa as doce da noite. Métome na cama. As sabas inda conservan o teu olor. Se estiveras aquí agora chamaríasme sucio, estou seguro. Hai sete días que non lavo as sabas. Tamén hai sete días que non durmo por culpa delas. Hai sete días que durmo no chan con elas ao meu carón coma un neno pequeno.

Escoito os coches acelerar. As Cinsentas de saldo e esquina a facer o seu traballo. Os xóvenes alocados beber coma se non existise mañá. As nais sentadas no sofá cun flexo acenso esperando preocupadas polos seus fillos. Os estudantes cos nervios a flor de pel preocupándose porque o reloxo xa marca as doce. Os bicos dos namorados baixo as estrelas. Escoito vida. E eu aquí tirado no chan, respirando o teu olor, máis morto ca vivo."

Xoves 16. Contos e historias de amor

O xoves 16 na biblioteca entregaranse os premios do concurso de relatos de amor.

Recital poético

A biblioteca do centro programou todo o mes de xaneiro e febreiro unha serie de actividades que teñen como eixo o amor, os sentimentos e as emocións.
O martes 14 de febreiro celebrouse un recital poético de diversos autores ,e mostramos algúns intres do recital que resultou moi bonito.

Novos espazos de lectura

Iste curso 2011/12 crearemos dous novos espazos da biblioteca dentro do centro.
O primeiro deles xa está en uso no primeiro piso ,tendo boa aceptación entre a comunidade docente.Nos próximos días colocaremos o 2º espazo na planta baixa.
Esperamos que todos disfrutemos das novas melloras da biblioteca.

CONCURSO RELATOS CIENCIA FICCIÓN

Os premiados foron

1º Premio: María Tenorio Solla
2º Premio: Alexandra Iglesias
3º Premio:Lucía Martínez

A realidade dos soños.

Principio a escribir isto nun venres escuro un dos días mais tristes da miña vida, a falta de cousa mellor que facer. Hoxe é o dia dezanove do mes de Nadal de 2077. Todo comezou así: A mañá non fun á clase xa que tiña unha forte dor e barriga. Quedeime na cama mentres miña nai non voltaba do traballo. Durmín ata ás doce, pasáronseme moitas cousas nesas horas de sono. Todo estaba escuro. Era estraño, xa que xa eran as catro da tarde. Saía pola porta cara á casa da miña tía e ao abrir a porta atopei un periódico, dicía que nunhas horas o mundo desaparecería, tan só sobrevivirían catro persoas; seríamos pisados por persoas con forma de árbores de Nadal que medirían máis do triplo ca nós. E así foi.
Eu aínda estaba lendo ese xornal, cando levantei a vista, e fronte a min estaba aquela árbore de Nada, con un millón de bólas vermellas e douradas. Quixen entrar para a casa, pero a porta fechárase soa, cousa que nunca antes pasara; non tiña escapatoria, era xa demasiado tarde para fuxir correndo. Tiña a eses seres xigantescos a medio metro de min, o cal non eran nin centímetros,xa que os seus pes eran moi longos. Pensei que me pisaría como aquela portada do xornal dicía, pero non foi así era coma e non me vise, sería un deses catro superviventes?
Neste intre soou o timbre, o carteiro cortárame o sono no momento máis interesante. Logo chegou miña nai, levoume ao médico, xa que a miña febre xa era moi elevada e non era normal. Fomos no aerocoche da miña nai para chegar máis pronto. Alí atendéronnos de súpeto. Non podía ser,os médicos transformáranse nas árbore de Nadal do meu sono, só que en tamaño reducido. Miña nai colleume da man e intentou fuxir correndo da consulta canto antes, pero a porta estaba pechada!Eu era transparente para eles, atravesáronme igual ca no meu sono, pero miña nai non era unha de sas catro persoas superviventes; collérona, puxérona na padiola, despregaron as súas ás, e saíron voando de alí con ela.. Dende entón levo días buscándoa, pero non hai rastro dela.
Eses seres xigantes destruíron o mundo en menos de carto días. Durante eses catro días que estaba en liberdade non parei de buscala ata debaixo das pedras; e digo liberdade porque ao quinto día metéronos a todos nunha gaiola xigante, só éramos catro, como o xornal indicou, eran todos auténticos descoñecidos para min; un era da China, de África, e outro parecía alemán. Non falábamos, xa que non nos poderíamos entender.
Eu choraba nun recuncho, non atoparía a miña nai xamais, non lle puidera nin dar unha aperta de despedida, nin un último adeus.
Hoxe, engaiolado sigo pensando en qué farían con ela e se algunha vez volvereina a ver.

María Tenorio Solla. 2ºB.

TEMOS CULTURGAL.2,3,4 DECEMBRO EN PONTEVEDRA

Culturgal é o fogar da cultura galega. Unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas e ventás abertas sempre cara á sociedade.

PREME NA LIGAZÓN INFERIOR PARA VER AS ACTIVIDADES:

PROGRAMA CULTURGAL

Concurso relatos de ciencia ficción

NOVIDADE !

PARTICIPA! PARTICIPA ! CONCURSA!
A biblioteca convoca un concurso de relatos de Ciencia Ficción, a partir de tres inicios a escoller polos participantes.

.Data límite de entrega,o 28 de novembro.

.Extensión máxima un folio.

.Premios de camisetas e libros para os gañadores.

PARTICIPA!!!

Revista Umbrela Nº 16.Xuño 2011

Artigo do Número 16 da revista Umbrela.Xuño 2011.

O señor Drácula.

Eva Otero Pastoriza 2ºB

O señor Drácula leva vivindo en Beluso dende antes de que eu nacera.

Cando eu e os meus compañeiros voltamos á casa para comer, el sempre nos agarda sentado no banco que se encontra ao lado da copistaría. Pregúntanos que tal nos foi e moitas veces dános caramelos ou chicles. El sempre se está queixando dos dentes, di que lle doen e por iso non pode comer cousas duras. O pobre sempre anda co caxato. Vive só na súa casa, a que está á esquerda da copistería. Polas tardes case sempre está na Biblioteca lendo un libro ou o xornal. Ás veces, despois de comer tamén se ve tomando o café no Couto, o bar que está diante da floristaría, con outros señores máis.

O señor Drácula é moi bo e moi falador. Se sentas con el no banco cóntache historias sobre as súas viaxes de antes de chegar a Beluso e sobre o que lle gustou este lugar cando o viu por primeira vez.

https://sites.google.com/site/revistaumbrelanumero16/

Novidades na biblioteca

O xoves 4 de maio, tivo lugar na sede de FECIMO,( Federación comerciantes do Morrazo) a presentación do segundo libro de Dragal, da autora Elena Gallego Abad.
O acto contou coa presenza da autora Elena Gallego Abad, e da editora Helena Pérez de Edicións Xerais.Entre o público tamén estaba o autor das ilustracións Miguel Abad.
Temos o libro na biblioteca , para que poidades gozar da súa lectura.

Neste video podemos visualizar o proceso de creación da portada.

Contacontos para os máis cativos.

Tres contos: "O coelliño branco", "A casa da mosca chosca", e "Os tres bandidos"·
Foron os que lle contaron sete alumn@s do IES ILLA de ONS aos Nen@os de infantil de 5 anos do CEIP "A PEDRA".
Seica todos quedaron encantados. Volveremos ao final do 3º trimestre coa maxia dos contos para os máis cativos.

Alumn@s de 2º da ESO esquiando en Valgrande-Pajares(Asturias)

CONTANDO HISTORIAS AOS MÁIS CATIVOS

O venres 25 oito alumnas do "Illa de Ons", foron a contarlles contos aos nen@s de infantil do CEIP A Pedra.
O primeiro conto foi"Como está o galiñeiro" , e foi Iria de 4º B a narradora da historia.
A continuación foron Alba Lobeira,Katia Santomé e Alexandra Iglesias as que contaron a historia da "Ratiña presumida".
Outro dos contos foi "A Toupiña", con Tania García e Mª.Tenorio coma protagonistas.E para rematar Mª.Mercedes Pretel e Angela Villanueva contaron a historia de "Xaime e as landras"

DECLARACIÓN DE AMOR

O AMOR chegou ao Illa de Ons en forma de carta, onde as rapazas e os rapaces expresaron a intimidade dos seus sentimentos, e de declaracións que lle dedicaron aos amores, reais ou imaxinarios.
O AMOR foi o eixo que moveu o concurso de expresión escrita máis participativo do ano. Moreas de textos orixinais e creativos, merecedores de premios, dos que só 3 persoas de cada categoría foron as gañadoras dos regalos: Aida Queimaño e Aida Carballo de 3º B e Sara Menduíña de 2º B na categoría de cartas de amor. Verónica Chapela de 1ºA, Ángela Villanueva de 1ºB e Laura Rial de 1ºA na categoría de declaracións de amor. PARABÉEENS.

EN 3º DA ESO ESTAMOS LENDO...

Para Wendy esta é unha noite importante, cumpre 23 anos e unha pitonisa vaticinara que sería o seu último aniversario. A noite preséntase densa: ten problemas con Roger, o seu mozo, un roubo con asasinato por descubrir e un prognóstico que romper, pero sobre todo, para Wendy, esta vai ser a noite na que comece a voar (sen ás).

FALAMOS DE RINOCERONTE.

Falamos de RINOCERONTE, unha editorial con sede en Cangas do Morrazo,especializada na tradución de libros doutras linguas, coma o Finés, o xaponés,etc.

CULTURGAL

O culturgal pechou este domingo as súas portas en Pontevedra, a idea é a da continuidade nos anos vindeiros. “Despois do éxito desta edición, ninguén pode dubidar que haberá Culturgal 2011”, asegurou Xulio Amigo, presidente da Asociación Culturgal. Os representantes de Asociación Galega de Editores (AGE), a Asociación Galega de Empresas de Artes Escénicas (Escena Galega), a Asociación Galega de Empresas Musicais (AGEM), a Asociación Galega de Produtoras Fonográficas (Agaphono), a asociación de Empresas Galegas Adicadas a Internet e ás Novas Tecnoloxías (Eganet) e a Asociación Galega de Produtoras Independentes (Agapi) e o propio Xulio Amigo salientaron a importancia do éxito desta edición, a primeira organizada directamente pola industria, para o asentamento definitivo da feira.

http://www.culturgal.com/

CONTACONTOS . CHARO PITA E TIM BOWLEY

O luns 22 tivemos no centro unha sesión de contacontos moi interesante.

Tropa de trapo

O luns 15 de novembro viñeron ao colexio uns contacontos chamados Tropa de Trapo . Ao principio pensaba que non me ian gustar pero a verdade e que estivo moi ven. Contaronos gran variedade de contos. Despois Brais un dos contacontos ensinounos os instrumentos que trouxera:
Trouxo unha guitarra portuguesa , que tiña unha forma moi peculiar, unha especie de timbal de metal e plástico, pero atiguamente eran de ferro e pel de cabra.
Ao final fixemos un obradoiro no que estivemos xogando a unha gran variedade de xogos, paseino
moi ben.

Alba Lobeira Soage 1º A.

Contacontos TROPA de TRAPO

Este luns tivemos contacontos,unha actividade moi divertida.Contáronnos tres contos,dous de eles con música en directo.A min os contos que máis me gustaron foron o de Leila e o de Ramón.O de Leila,pola súa valentía e o valor que tivo ao ir buscar a Salim á guerra.O de Ramón,porque rímos muito con el,polas cousas que se imaxinaba das historias que lle contaba o seu pai,a súa cámara de fotos,a cantidade de fotos que lle sacaba a Sabela,etc.
Gustaríame que se volvese repetir¡
María Tenorio Solla 1ºB

CONTANDO HISTORIAS AOS MÁIS CATIVOS

TRABALLANDO A ORALIDADE...

O venres día 5, dúas alumnas do noso instituto, IRIA PIEDRAS e PATRICIA COMEDEIRO foron ao centro de infantil do CEIP "A PEDRA" a contarlles aos neno@s de 5 anos 3 contos.
O 1º libro que contaron foi : QUE TAL, VEXETAL?

DESGUSTADO?
SEN NENGUN MEDO?

ESTÁS LEDO?
ESTÁS TRISTE?


CANTOS SORRISOS LOGO?
A VER SE O ADIVIÑAS:
QUEN SE SENTE SEGURO?

O SEGUINTE CONTO FOI Rato Tom e Rata Tomasa

Un día rata Tomasa mandoulle a Tom unha invitación.

Invitote a biscoito hoxe as oito.

E o último conto que lle contaron foi a
Colección de Galletas.
Galletas da avoa, linguas de gato,
galletas de can, bicos de Lulú...

TIM BOWLEY E CHARO PITA NO ILLA DE ONS!!!

O 22 de novembro virán ao noso centro os contadores de historias, Tim Bowley, grande narrador británico con máis de 20 anos de experiencia que ten percorrido Europa e América enfeitizando ao público coas súas historias, e Charo Pita, narradora galega que leva contando desde hai 16 anos por toda a península.
Tráennos contos de tradición oral de varias culturas do mundo: as lendas do rei Artur,historias celtas, relatos dos indios americanos... creando unha nube de maxia e comedia.
@s alumn@s de 2º, 3º e 4º da ESO farán unha viaxe en compaña destes dous narradores de historias.
Actividade feita conxuntamente entre o Equipo de Dinamización Lingüística e a Biblioteca e os departamentos de Galego e Música .

A TROPA DE TRAPO PRESENTA...

"A HORA AZUL"

O día 15 de novembro,pasaremolo moi ben coa tropa de trapo e a súa representación da hora azul.
Virán a facer disfrutar aos alumn@s de 1º da ESO.
Actividade feita conxuntamente entre o Equipo de Dinamización Lingüística e a Biblioteca e os departamentos de Galego e Música .